اسلام آباد: محکمہ موسمیات نے پیشگوئی کی ہے کہ ملک کے بیشترعلاقوں میں اگلے 48 گھنٹوں کے دوران موسلادھار بارشوں کا امکان ہے-
باغی ٹی وی : محکمہ موسمیات کے مطابق ایک اور موسمیاتی سسٹم ملک کے مغربی اور جنوبی علاقوں میں مزید بارشیں برسانے والا سسٹم داخل ہونے والا ہے بعض مقامات پر آندھی اور پہاڑی علاقوں میں برفباری کا امکان ہے۔
محکمہ موسمیات کے مطابق اگلے 12 سے 24 گھنٹوں میں ملک کے شمالی علاقوں سمیت خیبرپختونخوا، گلگت بلتستان، آزاد جموں و کشمیر، بالائی اور وسطی پنجاب میں معتدل سے شدید بارش کی توقع ہے۔
دوسری جانب این ڈی ایم اے نے موجودہ بارشوں کے بعد اگلی بارشوں کا سلسلہ 5 مارچ سے 7 مارچ تک کے درمیان شروع ہونے کی بھی وارننگ دی ہے،بارشوں کا نیا سپیل بلوچستان کے ساتھ ساتھ خیبر پختونخوا، کشمیر، گلگت بلتستان اور پنجاب کے بالائی علاقوں کو متاثر کر سکتا ہے۔
