برطانوی وزیراعظم بورس جانسن نے شہزادہ ہیری اور اُن کی اہلیہ میگھن مارکل کے انٹرویو کے حوالے سے کوئی بھی تبصرہ کرنے سے گریز کیا ہے۔

باغی ٹی وی : گزشتہ روز برطانوی شہزادہ ہیری اور اُن کی اہلیہ میگھن مارکل کا اوپرا ونفرے کو دیا تہلکہ خیز انٹرویو نشر کیا گیا جس میں شاہی خاندان کے کئی راز افشا کیے گئے اور شاہی خاندان کے ساتھ گزرنے والی اپنی زندگی کے حالات و واقعات کے بارے میں بتایاگیا۔

برطانوی شاہی خاندان سے ایک برس قبل علیحدگی کے بعد ان دونوں کا پہلا مشترکہ انٹرویو تھا انٹر ویو میں شہزادہ ہیری کی اہلیہ میگھن مارکل نے انکشاف کیا ہے کہ شاہی خاندان میں رہتے ہوئے بھی نسلی تعصب کا نشانہ بنایا گیا جس پر خودکشی کرنے کے بارے میں بھی سوچا تھا-

تاہم میگھن کے اس انٹر ویو کے حوالے سے برطانوی وزیراعظم نے کوئی بھی موقف دینے سے انکار کیا ہے-

بر طانوی میڈیاکے مطابق ہیری اور میگھن کے نسل پرستی کے دعوؤں پر رد عمل کے لیے شاہی محل کو دباؤ کا سامنا ہے اس حوالے سے بورس جانسن سے صحافی نے سوال کیا کہ کیا شاہی محل کوالزامات کی تحقیقات کرانی چاہئیں-

صحافی کے پوچھے گئے اس سوال کا جواب دینے سے گریزبرتتے ہوئےبورس جانسن نے کہا کہ شاہی خاندان کے معاملات پرکوئی تبصرہ نہیں کروں گا، ملکہ کا یکجہتی کا کردار قابل تحسین ہے۔

میگھن مارکل نسل پرستی پر مبنی کارڈ استعمال کرکے لوگوں کی ہمدردیاں حاصل کرنا چاہتی ہیں سیمی گریوال

میگھن مارکل نے شاہی خاندان کے متعلق کیا بڑا انکشاف