برطانیہ کی جانب سے پاکستان کو ریڈ لسٹ پر رکھنے پر کابینہ میں بحث

باغی ٹی وی کی رپورٹ کے مطابق وزیراعظم عمران خان کی زیر صدارت وفاقی کابینہ کا اجلاس ختم ہو گیا

وفاقی کابینہ نے متعدد ایجنڈا آئٹمز کی منظوری دیدی .برطانیہ کے ساتھ مجرمان کی حوالگی کیلئے ایم او یو کی سمری پر تفصیلی بحث کی گئی وفاقی وزرا نے برطانیہ کی جانب سے پاکستان کو ریڈ لسٹ پر رکھنے پر اعتراض کیا 9ستمبر کو چارٹر طیارے کی پاکستان لینڈنگ کی منظوری روک دی گئی، تفصیلی بحث کے بعد وفاقی کابینہ نے سمری ملتوی کر دی وفاقی وزرا اسد عمر، بابر اعوان اور شیخ رشید کے اعتراضات سامنے آئے، وفاقی وزراء کا کہنا تھا کہ پوری دنیا کو چھوڑ کر پاکستان کو ریڈ لسٹ پر برقرار رکھا گیا،برطانیہ کی جانب سے بتائی گئیں ریڈ لسٹ وجوہات غیر تسلی بخش ہیں حکومت پاکستان ریڈ لسٹ کے معاملے کو اعلیٰ سطح پر اٹھائے،

قادیانی آئین کی خلاف ورزی اور توہین عدالت کا مسلسل ارتکاب کر رہے ہیں، حافظ عاکف سعید

مندر کی تعمیر کے خلاف مزید دو درخواستیں، عدالت نے فیصلہ سنا دیا

تاریخی ہندو مندر مسماری کا معاملہ،ن لیگ اور جمعیت علماء اسلام کے رہنماؤں پر مقدمہ درج،گرفتاریاں شروع

وفاقی کابینہ اجلاس میں کورونا، ملکی سیاسی اور معاشی صورتحال کا جائزہ لیا گیا چیف سیکریٹری اورآئی جی پنجاب کوتبدیل کرنےکی منظوری دے دی گئی چیف سیکریٹری پنجاب کیلئے کامران علی افضل کی منظوری دی گئی آئی جی پنجاب کیلئے راؤسردارکی منظوری دی گئی کامران علی افضل اس وقت وفاقی سیکریٹری انڈسٹریزہیں

وزیراطلاعات فواد چودھری نے میڈیا کو بریفنگ دیتے ہوئے کہا کہ سردارعلی خان کونیا آئی جی پنجاب تعینات کیا گیا ہے ،اسلام آباد میں غریبوں سےزمینیں حاصل کرکےان کا استحصال کیا گیا اسلام آباد میں زمینوں کے حصول اورالاٹمنٹ کے معاملے پرذیلی کمیٹی کے قیام کا فیصلہ کیا گیا ہے،وفاقی وزیراسدعمرکی سربراہی میں کمیٹی جامع پالیسی مرتب کرے گی،نیوزی لینڈ کرکٹ ٹیم پاکستان آرہی ہے ،نیوزی لینڈ کرکٹ ٹیم کی آمدپرسیکیورٹی پلان کو تشکیل دیا ہے ،اصلاحات کےذریعے اداروں کومنافع بخش بنانے کی پالیسی پرعمل پیرا ہیں ،پاکستان کو ریڈلسٹ میں رکھنے سے متعلق برطانیہ سے بات ہوئی ہے ،70کی دہائی میں ملک میں780سینما تھے اب 78رہ گئے،پاکستان میں سینماکی بحالی کیلئےعملی اقدامات اٹھا رہے ہیں،

فواد چوھدری کا مزید کہنا تھا کہ کابینہ نےنیوزی لینڈکرکٹ ٹیم کی سیکیورٹی پلان کی منظوری دی بلدیاتی انتخابات کیلئے 21 کروڑاضافی گرانٹ کی منظوری دی گئی،روزویلٹ ہوٹل نیویارک کے واجبات کی ادائیگی کیلئے فنڈزکی منظوری دی گئی پاکستان نے 16کروڑموبائل فون سموں کوفنگرپرنٹس کے ساتھ رجسٹرڈ کیا،پاکستان واحدملک ہے جس نے سب سے پہلے 20 کروڑ شناختی کارڈجاری کیے،

آئی جی پنجاب پولیس انعام غنی کے تبادلے کا فیصلہ کرتے راؤ سردار علی خان کو نیا آئی جی پنجاب تعینات کرنے کا حتمی فیصلہ کیا گیا تھا راؤ سردار علی مینجنگ ڈائریکٹر سیف سٹیز اتھارٹی پنجاب ہیں،سیکرٹری صنعت و پیداوار ڈویژن کامران علی کا تبادلہ کرتے انہیں چیف سیکرٹری پنجاب تعینات کیا گیا ہے