برطانیہ میں کورونا وائرس کی نئی لہر ، ریکارڈ 21 ہزار 331 کیسز سامنے آگئے

برطانیہ میں کورونا وائرس کی نئی لہر ، ریکارڈ 21 ہزار 331 کیسز سامنے آگئے

باغی ٹی وی : برطانیہ میں کورونا وائرس کی نئی لہر جاری ہے، ریکارڈ 21 ہزار 331 کیسز سامنے آئے جبکہ 241 افراد جان سے ہاتھ دھو بیٹھے ہیں۔

برطانیہ میں کورونا وائرس کے مریضوں کی مجموعی تعداد 7 لاکھ 62 ہزار سے تجاوز کر گئی۔ برطانیہ میں مہلک وائرس سے مرنے والوں کی تعداد 43 ہزار 967 ہو چکی ہے۔

وزارت صحت کے مطابق کئی علاقوں میں پابندیاں مزید سخت کر دی گئی ہیں، وزیرِ صحت میٹ ہینکوک کا کہنا ہے کاروبار اور ملازمین کے لیے رکھے گئے 60 ملین پاؤنڈ کے پیکج پر مزید بات ہو سکتی ہے، مقامی لیڈر 65 ملین کا فنڈ چاہتے ہیں۔

کورونا وائرس کے سبب دنیا میں 4 کروڑ 6 لاکھ سے زائد افراد ہلاک

دوسری جانب کورونا کے سبب یورپ کی معیشت کو مشکل صورتحال سے دوچار ہونے کا خدشہ دوبارہ سر اٹھا رہا ہے، فرانس نے کورونا کا پھیلاو روکنے کیلئے رات کا کرفیو نافذ کر رکھا ہے۔ دیگر یورپی ممالک نے بھی وبا سے نمٹنے کیلئے سخت اقدامات اٹھائے ہیں۔
واضح‌ رہے کہ عالمی وبا کورونا وائرس کے سبب دنیا میں 4 کروڑ 6 لاکھ 64 ہزار 529 افراد متاثر اور 11 لاکھ 23 ہزار 217 ہلاک ہو چکے ہیں۔

کورونا سے صحتیاب افراد کی تعداد 3 کروڑ 3 لاکھ 65 ہزار 750 ہو گئی ہے اور 91 لاکھ 75 ہزار 562 ایکٹیو کیسز ہیں۔

امریکہ کورونا وائرس سے متاثر ہونے والے ممالک میں پہلے نمبر پر ہے۔ امریکہ میں اموات کی تعداد 2 لاکھ 25 ہزار 222 تک پہنچ گئی جبکہ متاثرہ افراد کی تعداد 84 لاکھ 56 ہزار 653 ہو گئی ہے۔