رائل کالج آف فزیشنز برطانیہ کی ٹیم کا دورہ پاکستان ، اہم یاداشتوں پر دستخط

رائل کالج آف فزیشنز برطانیہ کی ٹیم کا دورہ پاکستان ، اہم یاداشتوں پر دستخط

باغی ٹی وی رپورٹ کے مطابق رائل کالج آف فزیشنز برطانیہ کی پانچ رکنی ٹیم نے پاکستان کا دورہ کیا . برطانیہ کے رائل کالجز آف فزیشنز کی پانچ رکنی ٹیم کی سربراہی ایم آر سی پی ڈاکٹر ڈونلڈ فرکوہر ڈائریکٹر انٹرنیشنل میڈیکل کر رہے تھے. اس موقع پر پاکستان آرمی کے سرجن جنرل اور رائل کالج آف فزیشنز برطانیہ کے درمیان باہمی تعاون ، کانفرنسوں اور مفاہمت کی یادداشت پر دستخط کیے گئے .
وفد نے پاک امارات ملٹری ہسپتال راولپنڈی کا معائنہ کیا جو رائل کالج آف فزیشنز یوکے کے ذریعہ پاکستان میں قائم کیا جانے والا پہلا سینٹر ہے۔ پاکستان میں "ایم آر سی پی پیکس سینٹر” کھولے جانے کا یہ 15 سالہ سفر ہے۔ اب ایم آر سی پی پیکس کلینیکل امتحان (یوکے) سال میں کم سے کم دو بار پاکستان میں منعقد ہوگا۔

برطانیہ سے آنے والے پینل برائے امتحانات ڈاکٹر ڈونلڈ فرور ، پروفیسر چارلس ٹورٹ ، ڈاکٹر پیٹر نیومین ، ڈاکٹر تنظیم رضا اور ڈاکٹر روڈریک ہیری ، پاکستان میں ٹیم کے ساتھ شامل ہوئے تھے ، پاکستان میں ایم آر سی پی کے پروفیسر عامر غفور خان لیڈ ایگزامینر ، پروفیسر عمران فضل ، پروفیسر خورشید محمد اترا ، پروفیسر وسیم عالمگیر ، پروفیسر ظفر علی قریشی ، پروفیسر شازیہ نثار ، پروفیسر عظمت حیات ، ڈاکٹر عاصم یوسف ، ڈاکٹر محمد سلیم ، ڈاکٹر ہارون حافظ اور ڈاکٹر محسن سیف تھے.
یہ امتحان تین دن تک جاری رہا اور 45 امیدواروں کا ٹیسٹ لیا گیا ۔ فیڈریشن انٹرنیشنل میڈیکل ڈائریکٹر برائے تشخیص ، ڈاکٹر ڈونلڈ فرخور نے بتایا ، "دنیا کے 36 ممالک میں 100 سے زیادہ مقامات پر ایم آر سی پی کے امتحانات دیئے جاتے ہیں اور ہر سال 25،000 سے زیادہ ڈاکٹر امتحان دیتے ہیں۔ پاکستان میں مقامی طور پر یہ امتحان دینے کا موقع دینے والے ڈاکٹروں کو ان اعلی سطح کے میڈیکل امتحانات کا موقع فرام کیا جائے گا۔