بستی ملوک الرحمان پلازہ کے سامنے بنایا گیا یو ٹرن شہریوں کے لئے موت کا سامان بن گیا

NHA اور موٹروے پولیس کی غفلت وچشم پوشی الرحمان پلازہ کے سامنے یوٹرن شہریوں کی موت کا ساماں بن گیا۔شہریوں کا DIGموٹروے سے اصلاح احوال کا مطالبہ
بستی ملوک(نمائندہ باغی ٹی وی ) تفصیلات کے مطابق بستی ملوک ملتان،بہاولپور موٹروے پرالرحمان پلازہ کے سامنے موجود یو ٹرن مقامی شہریوں خاص طور پر سکول کے طلباء کیلئے موت کا ساماں بن گیا شہریوں نے میڈیا نمائندگا ن کو بتایا کہ ملتان روڈ کی تعمیر کے بعد یوٹرن چڑھائی زیادہ ہونے سے کسی بھی گاڑی یا رکشے کیلئے خطرے سے خالی نہیں۔صبح و چھٹی کے اوقات کار میں تقریبا بستی ملوک کے تمام تعلیمی اداروں کی ویگین، ہائی ایس،کیری وین اور موٹرسائیکل رکشہ اسی یوٹرن سے جاتے ہیں اور کئی بار پریشانی سے دوچار ہوچکے ہیں گزشتہ دن ایک رکشہ جس پرچند سمیٹ کی بوریاں لوڈ تھی یوٹرن لیتے ہوئے الٹ گیا اور کئی گھنٹے سڑک پر سیمنٹ پڑا رہا۔چڑھائی کی وجہ سے اس کا ایک ٹائر ٹوٹ گیا تھا شہری محمد نعمان، محمد افضل،محمد کاشف،نوید مغل، محمد آصف،راؤ وحید کا کہنا تھا کہ کئی بار موٹروے پولیس کو اس بارے میں آگاہ کیا لیکن کسی نے کوئی توجہ نہیں دی ہمار ا NHAکے اعلی حکام و DIGموٹروے سے مطالبہ ہے کہ فوری اس یوٹرن کو ٹھیک کیا جائے تاکہ کسی بڑے سانحے سے بچا جاسکے۔
رانا اظہر منیر نمائندہ باغی ٹی وی