لائیو نشریات کے دوران بی بی سی اینکر کی زبان پھسل گئی

براہ راست نشریات کے دوران بی بی سی کے اینکر کی زبان پھنسل گئی جس کی ویڈیو انہوں نے خود ہی سوشل میڈیا پر شئیر کر دی-

باغی ٹی وی :بی بی سی کے اینکر گیرتھ بارلو نے اپنی ویڈیو کو سوشل میڈیا ویب سائٹ ایکس پر شیئر کیا اس 12 سیکنڈ کے کلپ میں دیکھا جاسکتا ہے کہ بارلو ایک سیگمنٹ شروع کرنے کے لیے تیار ہیں ویڈیو میں کیمرے میں اینکر کو دکھایا جاتا ہے اور اینکر ‘آپ بی بی سی دیکھ رہے ہیں’کا روایتی جملہ بھول جاتا ہے اور اس کی جگہ ‘میں بی بی سی دیکھ رہا ہوں’ بولتا ہے۔

Can someone please remind me who’s watching the news… pic.twitter.com/l40jGHhrHK

— Gareth Barlow (@GarethBarlow) August 20, 2023

اس کے بعد اینکر نے اپنی ہی غلطی کو مزاحیہ انداز میں درست کرتے ہوئے کہا کہ میں نہیں آپ بی بی سی دیکھ رہے ہیں،نیوز اینکر بارلو نے ویڈیو شئیر کرتے ہوئے کیپشن میں لکھا کہ کیا کوئی مجھے یاد دلا سکتا ہے کہ کون خبریں دیکھ رہا ہے-

مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

ٹویٹر صارفین کی ایک بڑی تعداد نے اس ویڈیو پر اپنے ردعمل کا اظہار کیا، کچھ نے اسے مزاحیہ کہا تو دوسروں نے مذاق میں اسے ”شاندار“ کہا، تو کسی نے مزاحیہ جواب دیتے ہوئے لکھا ابھی کوئی نیوز نہیں دیکھ رہا۔

واضح رہے کہ یہ پہلا موقع نہیں ہے کہ بی بی سی کے کسی پریزینٹر نے اسکرین پر ہوئی اپنی مزاحیہ غلطی وائرل کی ہو،چند ماہ قبل اینکر لوکویسا براک بھی وائرل ہوئی تھیں، انہیں پتا ہی نہیں چلا تھا کہ وہ لائیو ہوچکی ہیں اینکر لوکویسا براک سیگمنٹ کے اختتام پر آخری کلمات ادا کرنے کے بعد اپنے دونوں ہاتھوں انگڑائی لینے کے انداز میں اوپر اٹھا کر کہتی ہیں ’اوکے‘، لیکن اسی وقت کیمرہ دوبارہ اینکر کی طرف کر دیا جاتا ہے اور یہ مناظر آن ایئر ہوجاتے ہیں۔

ٹرین کی بوگی میں آگ لگنے سے دس مسافروں کی موت

Goofing at BBC news. BBC news Anchor Lukwesa Burak caught off guard 🤣🤣🤣🤣🥰🥰#bbcnews pic.twitter.com/BjWlVwQ2l8

— Macharia Wangui (@Princewangui) May 4, 2023

اینکر کو جب احساس ہوتا ہے کہ وہ دوبارہ لائیو آگئی ہیں تو وہ چونک جاتی ہیں اور پریشانی سے ان کی آنکھیں کھلی کی کھلی رہ جاتی ہیں اس حرکت کے بعد لائیو آن ایئر کے دوران اینکر اپنے بازو فوراً نیچے کرلیتی ہیں اور اپنا سر اپنی میز پر رکھے نوٹس کی طرف کر لیتی ہیں اینکر کو کئی سیکنڈ تک خاموشی سے اپنی میز پر گھورتے ہوئے بھی دیکھا گیا۔