ٹی 20 ورلڈکپ سے قبل بھارت کو آسٹریلیا میں بُری شکست

پرتھِ:ٹی ٹوئنٹی ورلڈکپ سےقبل ہونے والے پریکٹس میچ میں ویسٹرن آسٹریلیا کی ٹیم نے بھارت کو شکست سےدوچارکردیا۔اطلاعات کے مطابق پرتھ میں کھیلے گئےمیچ میں ویسٹرن آسٹریلیا الیون کی ٹیم نےویرات کوہلی اور روہت شرما کے ہوتے ہوئےکےایل راہول کی قیادت میں کھیلے والی بھارتی ٹیم کو پریکٹس میچ میں 39 رنز سے شکست کا مزہ چکھایا۔

پاکستان میں مہنگائی، بیروزگاری میں خطرناک حد تک اضافہ:معاملات مزید خراب ہوسکتے…

ویسٹرن آسٹریلیا نے پہلے بیٹنگ کرتے ہوئے نک ہابسن اور ڈی آرسی شارٹ کی ففٹیز کی بدولت 20 اوورز میں 8 وکٹوں کے نقصان پر 168 رنز اسکور کیے۔ویسٹرن آسٹریلیا کی جانب سے دیے گئے 169 رنز کے تعاقب میں بھارتی ٹیم مقررہ اوورز میں 8 وکٹوں کے نقصان پر 132 رنز ہی اسکور کر سکی۔

بھارت کی جانب سے کپتان کے ایل راہول کے علاوہ کوئی بھی بیٹر عمدہ کارکردگی نہ دکھا سکا، کے ایل راہول نے 55 گیندوں پر 74 رنز کی اننگز کھیلی تاہم وہ ضائع گئی۔

میری قوم کے بچوں کو اسکولوں میں سیرت النبیﷺ پڑھانے کی ضرورت ہے،عمران خان

ادھرپاکستان اور بنگلہ دیش کے درمیان ہونے والے میچ میں سہ فریقی ٹی ٹوئنٹی سیریز کے چھٹے میچ میں پاکستان نے بنگلا دیش کو 7 وکٹوں سے شکست دی جب کہ آل راؤنڈر محمد نواز نے 20 گیندوں پر 45 رنز کی شاندار اننگز کھیلی۔محمد نواز کی اننگز میں 5 چوکے اور ایک چھکا شامل تھا، انہوں نے 225 کے اسٹرائیک ریٹ سے دھواں دھار اننگز کھیلی۔

تاہم وکٹ کیپر بیٹر محمد رضوان نے 123 اسٹرائیک ریٹ سے 56 گیندوں پر 69 رنز اسکور کیے اور میچ کے بہترین پلیئر قرار پائے۔

آئی ایم ایف سے کیے گئے وعدے پورے کریں گے:وزیرخزانہ اسحاق ڈار

ٹوئٹر پر صارفین نے نواز کی اس اننگز پر خوب تبصرے کیے، کسی نے کہا کہ مین آف دی میچ محمد رضوان کی جگہ نواز کو ملنا چاہیے تھا جب کہ کوئی بولا محمد نواز میچ ونر ہیں جو ہمیشہ پاکستان کرکٹ ٹیم کو مشکل سے نکالتے ہیں۔