![بیگم خورشید شاہد ہماری انڈسٹری میں ٹیلنٹ کا پاور ہاؤس تھیں ثمینہ پیرزادہ #Baaghi](https://baaghitv.com/wp-content/uploads/2021/06/بیگم-خورشید-شاہد-ہماری-انڈسٹری-میں-ٹیلنٹ-کا-پاور-ہاؤس-تھیں-ثمینہ-پیرزادہ.jpg)
پاکستان شوبز انڈسٹری کی سینئر اداکارہ و میزبان ثمینہ پیرزادہ نے اداکارہ بیگم خورشید شاہد کے انتقال پر شدید دُکھ کا اظہار کیا ہے۔
باغی ٹی وی :ثمینہ پیرزادہ نے مائیکرو بلاگنگ ویب سائٹ ٹوئٹر پر اپنے خصوصی پیغام میں سینئیر اداکارہ کی موت پر شدید دُکھ کا اظہار کیا –
RIP Begum Khursheed Shahid. One of our finest. Powerhouse of talent. A grand Lady we all admired n loved. She will be remembered n missed forever for all her great roles onTV n theatre and her grace n unique style
— Samina Peerzada (@SaminaSays) June 27, 2021
اداکارہ نے اپنے ٹوئٹ میں لکھا کہ بیگم خورشید شاہد ہماری انڈسٹری میں ٹیلنٹ کا پاور ہاؤس تھیں۔
اُنہوں نے لکھا کہ ’بیگم خورشید شاہد ایک گرینڈ لیڈی تھیں جن کی ہم سب نے تعریف کی اور اُنہیں خوب پسند کیا وہ ٹی وی اور تھیٹر میں اپنے سارے کرداروں اور منفرد انداز کی وجہ سے ہمیشہ کے لئے یاد رہیں گی۔
اداکارہ نے بیگم خورشید شاہد کی مغفرت کے لیے دُعا بھی کی۔
واضح رہے کہ گزشتہ روز ماضی کی فلم، ریڈیو، ٹی وی اور اسٹیج کی مقبول اداکارہ اور اداکار سلمان شاہد کی والدہ بیگم خورشید شاہد انتقال کر گئی تھیں۔
علی ظفرکا مرحوم نانا کے لئے جذباتی پیغام
بیگم خورشید شاہد نے کیریئر کا آغاز آل انڈیا ریڈیو سے کیا، وہ دہلی سے ہجرت کر کے پاکستان آئی تھیں، کیریئر کی ابتداء میں لاہور تھیٹر پر بھی کام کیا، انہوں نے پی ٹی وی پر پہلی مرتبہ کامیڈی ڈرامے رس ملائی میں کام کیا انہیں کلاسیکی موسیقی پر بھی عبور حاصل تھا-
ان کے یادگار ڈراموں میں فہمیدہ کی کہانی استانی راحت کی زبانی، وادیِ پرخار، من چلے کا سودا، چابی اور چابیاں سمیت فشار شامل ہیں۔
بیگم خورشید شاہد کو حکومت پاکستان کی جانب سے پرائڈ آف پرفارمنس سے بھی نوازا گیا تھا-