سینئر اداکار بہروز سبزواری نے اپنے حالیہ انٹرویو میں اپنی شادی کا زکر کیا ہے ، انہوں نے کہا ہے کہ میری منگنی ارینج تھی لیکن شادی لو میرج تھی . انہوں نےکہا کہ ہماری شادی کو 37 سال کا عرصہ بیت گیا ہے لیکن آج بھی ہمارے درمیان پیار محبت ہے ، ہمارے درمیان بہت کم لڑائی جھگڑا ہوتا ہے. انہوں نے کہا کہ میری اور سفینہ کی منگنی 1985 میںہوئی اور 1986 میں ہماری شادی ہو گئی، ایک سال ہماری منگنی رہی اور اسی دوران ہمیں ایک دوسرے کے ساتھ محبت ہوگئی. شادی سے پہلے میں نے اپنی اہلیہ کو تحفے میں گلے کی چین دی تھی.
بہرو سبزواری نے کہا کہ ”ہمارے درمیان بہت اچھی انڈرسٹینڈنگ تھی اور ہے”. ہم ایک دوسرے کو بہت اچھی طرح سمجھتے ہیں. میری اہلیہ نے کبھی کوئی ایسی بات یا کام کرنے کی کوشش نہیں کی جس سے مجھے تکلیف ہو اور میں بھی ایسا ہی کرتا ہوں. یاد رہے کہ بہروز سبزواری کا ایک بیٹا ہے شہروز سبزواری ، وہ بھی شوبز انڈسٹری کا حصہ ہے. بہروز سبزواری اپنے دور کا ایک بڑا نام ہے انہوں نے پی ٹی وی کے سنہرے دور میں اپنا نام اور مقام بنایا، آج بھی شائقین ان کو سکرین پر دیکھنے کےلئے بے تاب رہتے ہیں.