![behroz sabzwari](https://baaghitv.com/wp-content/uploads/2023/08/behroz-sabzwari1-905x613.jpg)
سینئر اداکار بہروز سبزواری نے اپنے حالیہ انٹرویو میںکہا ہے کہ میں عمر شریف کے ساتھ ایک سٹیج پلے کررہا تھا، اس میں میری سٹیج پر جب اینٹری ہوئی تو عمر شریف نے مجھے تھپڑ رسید کر دیا وہ تھپڑ سکرپٹ میں نہیں تھا اسلئے میں حیران پریشان ہو گیا .جیسے ہی مجھے عمر شریف نے تھپڑ مارا میری دھوتی گر گئی اور میں بہت شرمندہ ہوا ، مجھے سمجھ ہی نہیں آرہی تھی کہ میں کیا کروں. میں نے اپنی دھوتی پکڑی اور وہاں سے بھاگ گیا.
”جب میں سٹیج سے چلا گیا تو عمر شریف نے میری شرمندگی کو کم کرنے کےلئے ہال میں بیٹھے شائقین سے کہا کہ اس کو اصل میں دھوتی باندھنی نہیں آتی.” لیکن جب میری دھوتی گری تو ہال میں بیٹھے لوگ جس طرح سے ہنس رہے تھے. وہ جو ہنسی تھی اس نے مجھے پریشان کیا. انہوں نے کہا کہ سٹیج کسی بھی آرٹسٹ کے اعتماد میں بہت اضافہ کرتا ہے. مجھے بھی سٹیج نے بہت اعتماد دیا ہے. بہروز سبزواری نے کہا کہ میرے شوبز کیرئیر میںسٹیج پر کیا ہوا کام میرے دل کے ہمیشہ قریب رہے گا. پی ٹی وی پر کیا ہوا کام بھی یاد کرتا ہوں اُس دور کی صبحیں شامیں بہت یاد آتی ہیں. بہت خوبصورت وقت تھا جو گزر گیا.