بین سٹوکس کے نام اہم ریکارڈ

لیڈز (اے پی پی) بین سٹوکس نے ٹیسٹ کرکٹ کی تاریخ میں ہدف کے کامیاب تعاقب میں چوتھی اننگز میں زیادہ چھکوں کا نیا عالمی ریکارڈ قائم کردیا.

تفصیلات کے مطابق انگلش آل راﺅنڈر بین سٹوکس نے ٹیسٹ کرکٹ کی تاریخ میں ہدف کے کامیاب تعاقب میں چوتھی اننگز میں زیادہ چھکوں کا نیا عالمی ریکارڈ قائم کر دیا۔ سٹوکس نے آسٹریلیا کے خلاف کھیلے گئے تیسرے ایشز ٹیسٹ میچ کی چوتھی اننگز میں اننگز میں 8 چھکے لگا کر یہ کارنامہ انجام دیا۔ سٹوکس نے 135 رنز کی ناقابل شکست اننگز کھیل کر ٹیم کو فتح دلوائی تھی۔

واضح رہے کہ سٹوکس ٹیسٹ تاریخ میں چوتھی اننگز میں زیادہ چھکے لگانے والے تیسرے بلے باز ہیں، نیتھن ایسٹل نے 11 اور ٹم ساﺅتھی نے 9 چھکے لگا رکھے ہیں۔