3: 58 PM بیرون ملک مقیم پاکستانی سے چوہدری شجاعت حسین نے کی اہم اپیل
باغی ٹی وی : پاکستان مسلم لیگ کے صدر و سابق وزیر اعظم چودھری شجاعت حسین، سپیکر پنجاب اسمبلی چودھری پرویز الٰہی سے چیئر پرسن مسلم کمیونٹی امریکہ ساجد تارڑ کی ملاقات ہوئی .اس موقع پر باہمی دلچسپی سمیت پاک امریکہ تعلقات کو بہتر بنانے کیلئے تبادلہ خیال کیا گیا۔
ایم این اے چودھری سالک حسین، چودھری صباحت الٰہی، ثاقب رحمان، یعقوب تارڑ، مہران تارڑ، سعود صفدر بھی اس موقع پر موجود تھے۔
ملاقات میں چودھری شجاعت حسین نے کہا کہ پاکستان اور امریکہ کے تعلقات میں مزید استحکام لانے کیلئے لائحہ عمل مرتب کرنے کی ضرورت ہے۔
پاکستان اور امریکہ مل کر تجارت، سیاحت اور دیگر امور پر آگے بڑھ سکتے ہیں۔بیرون ملک مقیم پاکستانی جس جذبے اور محب الوطنی کے تحت کام کر رہے ہیں وہ قابل دید ہے.محنت سے کمایا ہوا سرمایہ پاکستان بھیج کر وہ ملک کی گرتی ہوئے معیشت کو سہارا دے رہے ہیں۔
کورونا وباء کی وجہ سے پاکستان کی معیشت مشکلات کا شکار ہے۔ کورونا کے سنگین حالات میں اوورسیز پاکستانی ملکی معیشت کو سنبھالہ دے کر اپنا فرض ادا کریں۔
