بیٹے کے ساتھ تھانے میں‌ گئی تو ایس ایچ او نے….خاتون نے لگایا گھناؤنا الزام

بیٹے کے ساتھ تھانے میں‌ گئی تو ایس ایچ او نے….خاتون نے لگایا گھناؤنا الزام
باغی ٹی وی کی رپورٹ کے مطابق پنجاب کے شہر شکرگڑھ. میں ایس ایچ او سٹی کی تھانہ میں خاتون سے بد سلوکی کا واقعہ پیش آیا ہے

شکرگڑھ کی رہائشی خاتون مدیحہ کا کہنا ہے کہ کمسن بیٹے کے ساتھ حوالات میں بند خاوند سے ملنے تھانہ گئی،خاونداکمل 2 روز سے بغیر مقدمہ تھانہ سٹی کی حوالات میں بند تھا.ایس ایچ او سے خاوند کو چھوڑنے یا مقدمہ درج کرنے کا مطالبہ کیا .ڈی پی او نارووال سے شکایت کی بات پر ایس ایچ او تھانہ سٹی صلاح الدین آگ بگولا ہو گیا.

خاتون نے الزام لگاتے ہوئے کہا کہ ایس ایچ او سٹی نے تھپڑ مارا اور غلیظ گالیاں دیں ایس ایچ او نے اہلکاروں کو حکم دیا مجھے تھانے سے نکلنے نہ دیا جائے، مجھے اور میرے بیٹے کو زبردستی تھانے میں بٹھائے رکھا. مجھ پر مقدمہ کی دھمکیاں دیتے رہے. میرے خاوند اکمل شیخ کی منت سماجت پر ہمیں چھوڑا گیا.ایس ایچ او اور دیگر اہلکاروں نے سادہ کاغذ پر دستخط اور انگھوٹھے لگوا کر رہا کیا. وزیر اعلی پنجاب میرے ساتھ تشدد بد سلوکی اور گالم گلوچ کا نوٹس لیں.

خاتون مدیحہ کا کہنا تھا کہ انصاف نہ ملا تو بچوں کے ساتھ خود کشی کر لوں گی.

دوسری جانب ایس ایچ او سٹی صلاح الدین کا کہنا ہے کہ خاتون کے خاوند پر چوری کا مقدمہ ہے مال مسروقہ برآمد ہوا۔خاتون نے تھانہ میں شور و غل کیا اور کار سرکار میں مداخلت کی۔ خاتون سے بد سلوکی اور تشدد نہیں کیا الزام بے بنیاد ہے