صدر مملکت ڈاکٹر عارف علوی نے مختلف واقعات میں شہید ہونے والے پاک فوج کے جوانوں کے ورثاء سے ٹیلی فونک اظہارِ تعزیت کی ہے
صدر مملکت نے 31 دسمبر کو جانی خیل ، بنوں میں شہید ہونے والے سپاہی محمد وسیم کے والد سے فون پر اظہار افسوس کیا ہے ،شہید کے والد نے صدر مملکت سے گفتگو کرتے ہوئے کہا کہ تین بیٹے فوج میں ہیں اور قربانی کیلئے تیار ہیں ، صدر مملکت نے وطن کیلئے شہید کی قربانی اور والد کے جذبہ حب الوطنی کو سراہا ،صدر مملکت نے 29 دسمبر کو کُرم ایجنسی میں شہید ہونے والے صوبیدار شجاع محمد کے بھائی محمد اشرف سے بات کی ، شہید کے بھائی محمد اشرف نے عزم ظاہر کیا کہ ماں کو اپنے شہید بیٹے پر فخر ہے ، ہم بھی قربان ہونے کیلئے تیار ہیں ،
صدر مملکت نے سپاہی عبدالرحمٰن کے بھائی گوہر یاسین سے ٹیلی فون پر رابطہ کیا ، شہید کے بھائی نے صدر مملکت سے مکالمہ کرتے ہوئے کہا کہ ہم سب پاکستان پر قربان ، دس بھائی بھی ہوتے تو شہادت کیلئے تیار ہوتے ، صدر مملکت نے نائیک محمد رمضان کے چچا سے ٹیلی فون پر گفتگو کی اور شہید کیلئے بلندی درجات کی دعا کی ،صدر مملکت ڈاکٹر عارف علوی کا کہنا تھا کہ مادرِ وطن کو دہشت گردی کی لعنت سے پاک کرنے کیلئے شہداء کی قربانیاں رائیگاں نہیں جائیں گی، صدر مملکت نے شہداء کو خراج عقیدت ، ورثاء سے اظہار ہمدردی اور صبر جمیل کی دعا کی،
سیکیورٹی خطرات کے خلاف ہم نے مکمل تیاری کر رکھی ہے، ترجمان پاک فوج
الیکشن پر کسی کو کوئی شک ہے تو….ترجمان پاک فوج نے اہم مشورہ دے دیا
فوج کو سیاست میں نہ گھسیٹا جائے ، دعا ہے علی سد پارہ خیریت سے ہو،ترجمان پاک فوج
