بیٹوں کے خلاف مقدمہ درج ہونے پر والد سلیم خان کا وضاحتی بیان
بالی وڈ اداکار سلمان خان کے والد سلیم خان کی اپنے بیٹوں کے خلاف مقدمہ درج ہونے پر وضاحت سامنے آگئی ہے۔
باغی ٹی وی :بھارتی میڈیا کی رپورٹ کے مطابق 25 دسمبر کو دبئی سے واپسی میں مبینہ طور پر قرنطینہ کرنے کے ضابطے کی خلاف ورزی کرتے ہوئے ارباز خان، سہیل خان اور ان کے بیٹے نروان خان کے خلاف مقدمہ درج کیا گیا تھا۔
تینوں افراد 25 دسمبر کو دبئی سے ممبئی واپس آئے تھے جس کے بعد انہیں کورونا وائرس کے پیش نظر وضع کردہ ایس او پیز کے مطابق سات روز تک نجی ہوٹل میں قرنطینہ میں رہنا تھا لیکن وہ ہامی بھرنے کے بعد بغیر کسی کو اطلاع دیئے گھروں کو روانہ ہوگئے۔
ان کی خلاف بی ایم سی میڈیکل افسر نے درخواست جمع کروائی جس میں موقف اختیار کیا گیا کہ ان تینوں سے ہوٹل میں قرنطینہ کرنے کا کہا گیا، اس کے باوجود یہ لوگ اپنے گھر کو روانہ ہوگئے۔
An FIR has been registered against actors Arbaaz Khan, Sohail Khan and his son Nirvaan Khan for violation of Covid norms in Mumbai. They returned from Dubai on Dec 25 & were asked to remain in quarantine in a hotel but they went home.
— ANI (@ANI) January 4, 2021
درخواست گزار کا کہنا تھا کہ سہیل خان انھیں بتایا تھا کہ ان سب نے کورونا وائرس کا ٹیسٹ کروایا ہے جو منفی آیا ہے، اسی وجہ سے وہ سیدھے اپنے گھر جارہے ہیں۔
تاہم جب ان کے والد سلیم خان سے رابطہ کیا تو انھوں نے بتایا کہ یہ بات درست ہے، لیکن ان کے پاس اس کی زیادہ معلومات نہیں ہیں۔
انھوں نے بتایا کہ جتنا وہ جانتے ہیں اس کے مطابق ان کے دونوں بیٹے اور پوتا اس وقت ہوٹل میں قرنطینہ میں ہیں۔
