بہاولنگر:مروٹ کے علاقہ میں تین بیٹوں نے جائیداد کے حصول کی خاطر اپنے بوڑھے والد کو تشدد کا نشانہ بناڈالا۔
باغی ٹی وی : تفصیلات کے مطابق تینوں بیٹوں نے اپنے بوڑھے والد کو تشدد کا نشانہ بنایا اور گھر سے نکال دیا۔واقعے کی وڈیو وائرل ہونے کے بعد پولیس نے باپ پر تشدد کرنے والے تینوں بیٹوں کو گرفتار کرلیا۔
پولیس کا کہنا ہے کہ تشدد کرنے والے ملزمان کے خلاف قانونی کارروائی کی جائے گی پیرنٹس پروٹیکشن آرڈیننس کے تحت تشدد کرنے والے تینوں بیٹوں ارسلان، قمر اور بدر کو گرفتار کر لیا گیا ہے۔
وہاڑی میں باپ اپنے دو بیٹوں کی آنکھوں کا علاج نہ کرواسکا
اس سے قبل بہاولپور میں درجنوں بچوں سے زیادتی کرنے والے عادی ملزم گرفتارکیا گیا تھا پولیس کاکہنا تھا کہ بچوں کو اغوا کے بعد بدفعلی کا نشانہ بنانے کے متعدد کیسز رپورٹ ہوئے تھے جس پر خصوصی ٹیم تشکیل دی گئی تھی جدید ٹیکنالوجی اور سی سی ٹی وی کی مدد سے ملزم کوبہاولپور سے گرفتار کیا گیا پولیس کے مطابق ملزم انصر موٹر سائیکل پر مرغیوں کے چوزے فروخت کرتا تھا-
پولیس کاکہنا تھا کہ بچوں کو ورغلا کر ان کو گھروں سے دور لے جا کر زیادتی کا نشانہ بناتا اور پھر ویرانے میں چھوڑ کر فرار ہو جاتا تھا جب کہ ملزم کے خلاف بہاولپور، بہاولنگر اور ملتان میں مقدمات درج تھے۔
