بھارت میں آنے والے ممکنہ سمندری طوفان ”بائے پرجوائے“ کے پیش نظر سات ریاستوں میں الرٹ جاری کردیا گیا-
باغی ٹی وی: ہندوستان ٹائمز کے مطابق محکمہ موسمیات نے بتایا کہ بحیرہ عرب میں بننےوالے طوفان میں ہفتےکی صبح میں تیزی دیکھنے میں آئی ہے، جس میں مزید اضافہ ہورہا ہے۔
ایمازون کے جنگلات میں طیارہ حادثہ،4 بچے معجزاتی طور پر 40 دنوں بعد زندہ مل …
محکمہ موسمیات کا کہنا کہ طوفان کی وجہ سے بھارت کے جنوبی علاقوں میں خوب بادل برسیں گے، یہ سلسلہ چار روز تک جاری سکتا ہے، طوفان گووا شہر کے مغرب میں 690 کلومیٹر کے فاصلے پر موجود ہے اور مہاراشٹر کے علاوہ ممبئی کے قریبی اضلاع کے لیے انتباہ جاری کیا گیا ہے۔
حکام کا کہنا ہے کہ آئندہ 48 گھنٹوں کے دوران ریاست مہاراشٹر سمیت ممبئی میں بارش ہوگی، ممبئی میں بارش کی شدت کم ہوگی تاہم اس کے قریبی اضلاع میں شدید بارش ہوسکتی ہے۔
دوسری جانب کیرالہ ریاست کے لیے ”ییلو“ الرٹ جاری کیا گیا ہے جس کا مطلب یہ ہے اس کے مختلف شہروں میں گرج چمک کے ساتھ بارش ہوگی جبکہ تیز ہوائیں بھی چلیں گی،امکان ہے کہ آج ہوائیں چلیں گی جبکہ اس کے بعد بارش کا سلسلہ شروع ہوجائے گا۔
سمندری طوفان ’’بائے پرجوائے‘‘ کا کراچی سے فاصلہ 850 کلومیٹر رہ گیا
بھارتی ریاست گجرات میں بھی وارننگ جاری ہونے کے بعد گجرات کے مشہور سیاحتی مقام کی ٹیتھل بیچ کو 14 جون تک بند کردیا گیا ہے مچھیروں کو بھی ہدایات جاری کی ہیں کہ وہ سمندر میں جانے کی کوشش نہ کریں۔ محکمہ موسمیات نے کیرالہ، کرناٹک کے مچھیروں کو بھی سمندر میں جانے سے منع کر دیا گیا ہے۔
سمندری طوفان کی وجہ سے ہواؤں کی رفتار45 سے 55 ناٹس تک پہنچنے کا امکان ہے تاہم بعض علاقوں میں یہ 65 تک بھی جا سکتا ہے اور یہ سلسلہ آج سے شروع ہو کر 12 جون تک جائے گا۔
