بھارتی اداکار شوٹنگ کے دوران ڈیم میں ڈوب کر ہلاک ہو گئے

ملیالم فلموں کے اداکار انیل نیڈو منگڈ کیرالہ میں شوٹنگ کے دوران ڈیم میں ڈوب کر ہلاک ہوگئے-

باغی ٹی وی : ملیالم فلموں کے اداکار انیل نیڈومنگڈ فلم کی شوٹنگ کے لیے تھوڈو پوزا میں تھے فلم میں مرکزی کردار جو جو جارج نبھار ہے ہیں۔

بھارتی میڈیا کی رپورٹ کے مطابق 48 سالہ انیل کا شمار فلم نگری کے باصلاحیت اداکاروں میں ہوتا تھا اور وہ کئی فلموں میں اداکاری کے جوہر دکھا چکے ہیں۔

انیل فلم کی شوٹنگ کیلئے کیرالہ کے علاقے تھوڈو پوزہ میں واقع ڈیم ملنکارا گئے تھے جہاں شوٹنگ کے بعد دوستوں کے ہمراہ نہانے گئے۔

آنجہانی اداکار نہاتے ہوئے گہرے پانی میں چلے گئے اور پھر واپس نہ آسکے بعد ازاں دوستوں اور غوطہ خوروں کی مدد سے 30 منٹ بعد ان کی لاش نکالی گئی بعد ازاں ان کو قریبی اسپتال لے جایا گیا جہاں ڈاکٹروں نے ان کی موت کی تصدیق کی۔

میڈیا رپورٹس کے مطابق اداکار نے اپنے شوبز کیریئر کا آغاز تھیٹر سے کیا تاہم بعد میں ٹی وی اینکر بن گئے لیکن کچھ عرصہ بعد ہی وہ فلموں میں جلوہ گر ہوئے۔