بین الاقوامیتازہ ترین

بھارتی اداکارہ غیراخلاقی ویڈیوز بنانے کے الزام میں گرفتار

5 سال قبل
5 سال قبل

بھارتی پولیس نے مبینہ طور پرغیر اخلاقی مواد ویب سائٹ پر اپ لوڈ کرنے کے الزام میں مشہور بھارتی اداکارہ کو گرفتار کرلیا۔

باغی ٹی وی : بھارتی میڈیا کے مطابق مشہور ٹی وی اداکارہ گیہانا واسستھ کو کرائم برانچ کے پراپرٹی سیل نے غیر خلاقی مواد ویب سائٹ پر اپ لوڈ کرنے کے الزام گرفتار کیا اور انہیں ممبئی کی عدالت میں پیش کیا جائے گا۔


اے این آئی نے ٹوئٹ کی کہ ‘اداکارہ گیہانا واسستھ کو کرائم برانچ کے پراپرٹی سیل نے فحش ویڈیوز کی مبینہ شوٹنگ اور انہیں ویب سائٹ پر اپلوڈ کرنے پر گرفتار کیا’۔

بھارتی میڈیا رپورٹس کے مطابق ممبئی کرائم برانچ نے مدھ آئلینڈ میں ایک بنگلے پر چھاپا مارا تھا جہاں فحش فلم کی شوٹنگ رکوائی اور ایک خاتون کو بھی بازیاب کروایا گیا۔

پولیس کی جانب سے جاری بیان کے مطابق اداکارہ گیہانا اور دیگر ماڈلز سمیت کچھ پروڈکشن ہاؤسز نے 87 نامناسب/فحش ویڈیوز شوٹ کیں اور اپنی ویب سائٹ پر اپلوڈ کیں لہذا تمام افراد کے خلاف غیر اخلاقی مواد سے متعلق تحقیقات جاری ہیں جب کہ اداکارہ کو ممبئی کی عدالت میں آج پیش کیا جائے گا۔

رپورٹ کے مطابق اداکارہ کو پولیس نے تحقیقات کے لیے 6 فروری کو طلب کیا تھا اور بعدازاں گرفتار کیا تھا –

خیال رہے کہ اداکارہ گیہانا واسستھ نے تیلگو فلم انڈسٹری، ٹی وی کمرشلز کیے اور کرائم تھرلر ویب سیریز میں اداکاری بھی کی2019 میں وہ مدھ آئی لینڈ پر ویب سیریز کی شوٹنگ کے دوران بے ہوش ہوگئی تھیں اور انہیں ہسپتال لے جایا گیا تھا 32 سالہ اداکارہ کو انتہائی کم بلڈ پریشر اور اسٹروک کی وجہ سے دل کا دورہ پڑا تھا۔

ٹیگز:
زمرہ جات:
بین الاقوامیتازہ ترینشوبز
Shares:

مزید خبریں