بھارتی آرٹسٹ نے پاکستانی گلوکار شوکت علی کا مجسمہ تیار کرلیا

بھارتی پنجاب کے آرٹسٹ منجیت سنگھ گِل نے گلوکار شوکت علی کا مجسمہ تیار کرلیا-

باغی ٹی وی : رپورٹس کے مطابق منجیت سنگھ کی جانب سے تہار کیا گیا گلوکار شوکت علی کا مجسمہ جلد بھارتی پنجاب کی کسی شاہراہ پر نصب کیا جائے گا۔

منجیت سنگھ گِل بھارتی پنجاب کے موگا ڈسٹرکٹ سے تعلق رکھتے ہیں منجیت سنگھ پاکستان اور بھارت کے عظیم افراد کے مجسمے بناتے ہیں۔

اس سے قبل انہوں نے انسانیت کے سب سے بڑے خدمت گار اورمشہور سماجی کارکن عبدالستار ایدھی کا بھی مجسمہ تیار کیا تھا۔

منجیت نے فائن آرٹ کی تعلیم گورنمنٹ آرٹ کالج چندی گڑھ سے لی اس حوالے سے منجیت کا کہنا ہے کہ مجسمے تراش کر من کو شانتی ملتی ہے۔