بین الاقوامیپاکستان

بھارتی سابق رکن پارلیمنٹ کی پاکستانی کامیڈین اکبر چوہدری سے درخواست

5 سال قبل
5 سال قبل

بھارتی سابق رکن پارلیمنٹ ششی تھرور نے پاکستان کے معروف کامیڈین انجینئر اکبر چوہدری سے ایک درخواست کی ہے۔

باغی ٹی وی :حال ہی میں پاکستانی اسٹینڈ اپ کامیڈین اور ائیرو اسپیس انجینئیر اکبر چوہدری نے بھارتی سیاستدان ششی تھرور کی انگریزی سے متعلق ایک ویڈیو اپنے ٹوئٹر اکاؤنٹ پر شیئر کی تھی۔

ویڈیو میں دیکھا جا سکتا ہے کہ اکبر چوہدری 3 اسٹیپس بتاتے ہیں جس میں سے ایک میں وہ آکسفورڈ ڈکشنری کو بلینڈر میں ڈال دیتے ہیں اور وہ ویڈیو میں بتاتے ہیں کہ ان اسٹیپس کو فالو کرنے کے بعد کوئی بھی ششی تھرور کی طرح انگریزی بول سکتا ہے۔


بعد ازاں پاکستانی کامیڈین کی یہ ویڈیو سوشل میڈیا پر اس قدر وائرل ہوئی کہ اسے متعدد بھارتی چینلز پر بھی دکھایا گیا۔

اکبر چوہدری کی اس ویڈیو کو بھارتی سیاستدان نے خود بھی اپنے آفیشل ٹوئٹر اکاؤنٹ پر شیئر کیا اور ساتھ ہی انہوں نے پاکستانی کامیڈین سے ایک درخواست بھی کی۔


ششی تھرور نے اکبر چوہدری سے مزاحیہ انداز اپناتے ہوئے درخواست کی کہ وہ اب اپنی اگلی ویڈیو وزیر اعظم عمران خان کے اوپر بنائیں۔

اس حوالےسے کامیڈین اکبر چوہدری نے خوشی کا اظہار کرتے ہوئے کہا کہ انہیں خوشی ہے کہ ان کی یہ کوشش ششی تھرور تک پہنچی اور انہیں یقین نہیں تھا کہ ایسا ہوگا۔

ٹیگز:
زمرہ جات:
بین الاقوامیپاکستانتازہ ترینشوبز
Shares:

مزید خبریں