خون سفید ہوگیا بڑے بھائی نےچھوٹے بھائی اور بھابھی کو قتل کر کے لاشوں کے ٹکڑے کر کے نہر میں بہا دیئے ہیں، مبینہ ملزم گرفتار کرلیا گیا ہے، تھانہ حویلی لکھا پولیس نے تقتیش کا آغاز کردیا ہے.
حویلی لکھا کے نواحی علاقہ کوٹھا جھنگ شیشم میں دوہرے بھائی کے ہاتھوں بھائی اور بھابھی کے قتل کی لرزہ خیز واردات سامنے آئی ہے، دو روز قبل محمد محسن اپنی بیوی عائشہ بی بی کے ہمراہ چوبارے پر جبکہ بڑا بھائی شفیق نیچے صحن میں سویا ہوا تھا، درمیانی شب شفیق نے اپنے نامعلوم ساتھیوں کے ہمراہ بھائی اور بھابھی کو کیری ڈبہ میں اغواء کرنے کے بعد تیز دھار آلہ سے قتل کردیا تھا، میاں بیوی کی لاشوں کے ٹکڑے ملکہ ہانس نہر میں بہا دیئے تھے، جن کی شناخت ہونے پر تھانہ حویلی لکھا پولیس نےملزم شفیق آرائیں کو گرفتارکرلیا ہے، جس کیخلاف مقتولہ کے باپ نے دو روز قبل قتل کا خدشہ ظاہر کرتے ہوئے اغواء کا مقدمہ درج کرایا تھا.
عابد علی بودلہ نمائندہ باغی ٹی وی پاکپتن
