افغان طالبان کے ترجمان سہیل شاہین نے کہا ہے کہ بھارت اگر چاہے تو افغانستان میں اپنے منصوبے مکمل کر سکتا ہے یونکہ وہ عوام کے لیے ہیں-

باغی ٹی وی : ہم نیوز کے پروگرام ’ہم مہر بخاری کے ساتھ‘ میں طالبان ترجمان نے کہا کہ گزشتہ تین ماہ سے بغیر لڑائی کے اضلاع ہمارے کنٹرول میں آرہے تھے ہم پر امید تھے کہ کابل پر قبضہ کرلیں گے لیکن خلاف توقع یہ بہت جلدی ہوا-

انہوں ںے کہا کہ افغان عوام کو پریشان نہیں ہونا چاہیے تعجبٕ ہوا کہ لوگ جہازوں پر چڑھ رہے ہیں۔

پروگرام میں طالبان ترجمان سہیل شاہین نے کہا کہ سابقہ کابل انتظامیہ کے جو لوگ پریشان ہیں وہ بھی پرسکون رہیں لڑکیوں کو تعلیم حاصل کرنے کےحق سے محروم نہیں کریں گے۔

سہیل شاہین نے کہا کہ ہماری پالیسی واضح ہے کہ کسی گروپ کو افغان سرزمین استعمال نہیں کرنے دیں گے یہ صرف پروپیگنڈہ کیا جا رہا ہے کہ افغان سرزمین کسی کے خلاف استعمال ہو گی۔

بھارت نئی افغان حکومت کو تسلیم کرے اور اس کا احترام کرے سہیل شاہین

ترجمان افغان طالبان نے کہا کہ افغانوں پر مشتمل اسلامی حکومت چاہتے ہیں ابھی فیصلہ نہیں ہوا کہ افغانستان کا نیا سربراہ کون ہوگا؟-

سہیل شاہین نے واضح طور پر کہا کہ اگر امریکہ آئندہ 20 سال مزید بھی لڑتا تو وہ پھر بھی یہاں سے جانے پر مجبور ہوتا۔ ان کا کہنا تھا کہ افغانستان کی تاریخ سب کے سامنے ہے۔

سہیل شاہین نے کہا کہ بھارت افغانستان میں ترقیاتی منصوبے مکمل کرے کیونکہ وہ عوام کے لیے ہیں-

انہوں نے کہا کہ سابق حکومت بہت کرپٹ تھی اس لیے آفیشل نے سرنڈر کیا اشرف غنی کسی کو بتائے بغیر بھاگ گئے ان کے اس طرح جانے کی توقع نہیں تھی۔

واضح رہے کہ اس سے قبل نجی ٹی وی دنیا نیوز کے پروگرام نقطہ نظر میں گفتگو کرتے ہوئے سہیل شاہین نے کہا تھا کہ اشرف غنی عوام کو بتائے بغیر ملک چھوڑ گئے ان کے اس طرح جانے کی توقع نہیں تھی۔

دوحہ میں بات چیت کا آپشن اب ختم ہوچکا ہے سہیل شاہین

انہوں نے کہا تھا کہ ملا عبدالغنی برادر قطر میں موجود ہیں لیکن اب دوحہ میں بات چیت کا آپشن اب ختم ہوچکا ہے سابق نائب صدر امراللہ صالح اور دیگر کو افغان عوام نے مسترد کردیا ہے، امراللہ صالح پنج شیر جائیں یا کہیں اور، ان کی اب کوئی حیثیت نہیں ہے۔

سہیل شاہین کا کہنا تھا کہ طالبان اسلامی حکومت تشکیل دیں گے، وہ بین الاقوامی برادری سے اچھے تعلقات چاہتے ہیں، افغان سرزمین کسی کے خلاف استعمال کرنے کی اجازت نہیں دیں گے۔

سہیل شاہین نے کہا تھا کہ انڈیا کا رونا دھونا اس لیے لگا ہوا ہے کہ افغانستان کی حکومت کیوں ختم ہوگئی۔ بھارت کو چاہیے کہ نئی افغان حکومت کو تسلیم کرے اور اس کا احترام کرے۔