بھارت انسانی تاریخ کا بڑا قتل عام کرنے جارہا ہے؟ بزرگ کشمیری لیڈر کا ایسا پیغام کہ مسلم دنیا میں ہنگامہ برپا ہو گیا

حریت کانفرنس جموں‌ کشمیر کے چیئرمین اور بزرگ کشمیری قائد سید علی گیلانی نے امت مسلمہ کے نام اپنے پیغام میں کہا ہے کہ بھارت مقبوضہ کشمیر میں انسانی تاریخ کا سب سے بڑا قتل عام کرنے کی منصوبہ بندی پر عمل درآمد کرنے جارہا ہے، ہم دنیا بھر میں بسنے والے مسلمانوں کو خبردار کرتے ہیں کہ بھارتی جارحیت اور نسل کشی کے نتیجہ میں ہم شہید ہوگئے اورتم چپ رہے تو یوم آخرت پر اللہ کو جواب دینا پڑے گا،

باغی ٹی وی کی رپورٹ کے مطابق بزرگ کشمیری قائد سید علی گیلانی کی ٹویٹ پوری دنیا میں جنگل کی آگ کی طرح پھیلی اور مسلمانوں کی جانب سے بھارتی مظالم کی شدید مذمت کرنے کا سلسلہ جاری ہے، بزرگ کشمیری قائد سید علی گیلانی نے اپنا درد بیان کرتے ہوئے کہاکہ میں کرہ ارض کے تمام مسلمانوں کوخبر دار کررہا ہوں کہ اگر ہم شہید ہوگئے اور آپ چپ رہے تو آپ کو اللہ تعالیٰ جو جواب دینا پڑے گا ۔ سید علی گیلانی کا کہنا تھا کہ اللہ ہم سب کی حفاظت کرے ۔

واضح رہے کہ بھارت نے مقبوضہ کشمیر میں پچھلے چند دنوں‌ میں 38 ہزار مزید فوجی تعینات کئے ہیں اور جموں‌ کشمیر کی خصوصی حیثیت والی دفعات ختم کرنے کی خوفناک سازشیں کی جارہی ہیں، اس دوران بھارت نے کنٹرول لائن پر فوج کی تعداد بڑھا دی ہے، تمام اہم عمارتوں پر قبضہ کر لیا ہے، یاتریوں اور سیاحوں‌ کو فوری کشمیر چھوڑنے کی ہدایات جاری کی گئی ہیں اور تمام حریت قیادت کو حراست میں لے لیا گیا ہے. اس ساری صورتحال کو مدنظر رکھتے ہوئے بزرگ کشمیری قائد سید علی گیلانی نے امت مسلمہ کو مخاطب کرتے ہوئے اس خطرے کا اظہار کیا ہے کہ بھارت کشمیر میں سب سے بڑا قتل عام کرنے جارہا ہے،