دہلی اسمبلی کے اسپیکر رام نواس گوئل نے عام آدمی پارٹی (آپ) کے باغی ممبر کپل مشرا کو ’اینٹی ڈیفیکشن‘ قانون کے تحت نااہل قرار دے دیا ہے۔
مسٹر مشرا شمال مشرقی دہلی کے کراول نگر اسمبلی حلقہ سے رکن ہیں۔ وہ وزیر اعلی اروند کیجریوال کے قریبی معاون اور ان کی حکومت میں وزیر بھی رہ چکے ہیں۔
اسمبلی کے سیکریٹری نے ایک بیان میں کہا ہے یہ حکم رواں سال 27 جنوری سے نافذ ہوگا۔ مشرا کی نااہلی کے بعد ، کراول نگر قانون ساز اسمبلی کی نشست خالی ہوگئی ہے۔
