مودی سرکار کشمیر کےبعد کیسے پورے بھارت میں مسلمانوں پر زمین تنگ کر رہی ، عثمان بزدار نے بتایا

مودی سرکار کشمیر کےبعد کیسے پورے بھارت میں مسلمانوں پر زمین تنگ کر رہی ، عثمان بزدار نے بتایا

باغی ٹی وی رپورٹ :وزیر اعلیٰ پنجاب عثمان بزدار نے کہا ہے کہ مقبوضہ کشمیر کے بعد اب مودی سرکار نے پورے بھارت میں مسلمانوں پر زمین تنگ کر دی ہے۔

بھارتی لوک سبھا کی جانب سے شہریت کا متنازعہ بل منظور کرانے کے اقدام کی شدید مذمت کرتے ہوئے انہوں نے کہا ہے کہ اس کالے قانون کی منظوری سے نام نہاد جمہوریت کی دعویدار مودی سرکار کا سیاہ چہرہ بے نقاب ہو گیا ہے۔

ان کا کہنا تھا کہ یہ کالا قانون جمہوریت کے نام نہاد دعویداروں کے منہ پر زناٹے دار طمانچہ ہے۔اپنے بیان میں ان کا کہنا تھا کہ جمہوریت کے لبادے میں چھپے ہوئے فاشسٹ ہندو کے گھناؤنے عزائم عیاں ہو گئے ہیں، متنازعہ شہریت بل بین الاقوامی انسانی حقوق کی کھلم کھلا خلاف ورزی ہے۔
جہاں تک عالمی برادری اور اس کے کردار کا تعلق ہے تو یہ انتہائی افسوسناک طرزعمل ہے کہ عالمی برادری اور خصوصاً سپر پاور نے کشمیر کے اندر جاری سفاکانہ صورتحال کے سدباب میں کسی عملی کردار کی بجائے صرف مطالبات اور تشویش پر اکتفا کیا۔ کوئی بھی غاصب اور جارح بھارت کا ہاتھ پکڑنے کیلئے تیار نہیں، کہا جاتا ہے کہ ان کے معاشی مفادات ہیں۔ جہاں تک خود پاکستان کا سوال ہے تو پاکستان کی حیثیت مسئلہ کشمیر اور کشمیریوں کے حوالہ سے محض تماشائی کی نہیں بلکہ پاکستان اس مسئلے میں ایک فریق کی حیثیت رکھتا ہے۔ 5 اگست کے بعد پاکستانی وزیراعظم عمران خان نے خود کو کشمیر کا سفیر قرار دیا مگر جوں جوں وقت گزرتا گیا اور سفاک کرفیو کا تسلسل بڑھتا گیا پاکستان کے اندر ردعمل ٹھنڈا پڑتا گیا۔