بھارت، لوک سبھا میں ’ہجومی تشدد‘ اور’غیرت کے نام پر قتل‘ کو دہشت گردی قرار دینے کا مطالبہ

بھارتی لوک سبھا میں ’ہجومی تشدد‘ اور’غیرت کے نام پر قتل‘ پرقانون بنانے اور اسے دہشت گردی قرار دینے کا مطالبہ کیا گیا۔
بھارت : مسلمان کیپٹن کو رات کے اندھیرے میں‌ لوہے کے راڈ مار کر مار دیا.
ڈی ایم کے کے ڈی روی کمار نے ’ہجومی تشدد‘ اور غیرت کے نام پر قتل کا مسئلہ اٹھایا اور اسے دہشت گردی کے زمرے میں لانے کا مطالبہ کیا۔

روی کمار نے کہا کہ ’ہجومی تشدد‘ اور’غیرت کے نام پر قتل‘ ایک سنجیدہ موضوع ہے۔ ملک کے امن و امان کو خراب کرنے کے لئے جان بوجھ کر تشدد کا سہارا لیا جا رہا ہے۔گزشتہ چند برسوں میں ہجومی تشدد کے واقعات میں اضافہ ہوا ہے۔ سال 2016 سے اب تک 99 افراد ہجومی تشدد میں جان کی بازی ہار چکے ہیں۔

یاد رہے کہ بھارت میں ہجومی تشدد کے واقعات زیادہ تر اقلیتوں خصوصاً مسلمانوں کے خلاف ہو رہے ہیں۔ ان واقعات میں کئی بے گناہ مسلمانوں کو شہید کر دیا گیا ہے۔