بھارت میں کرونا کے مزید 90 ہزار کیسز سامنے آ گئے
باغی ٹی و ی :دنیا بھر میں کورونا وائرس سے مرنے والوں کی تعداد 8 لاکھ 84 ہزار تک پہنچ گئی۔ بھارت میں مزید 90 ہزار کیسز سامنے آ گئے۔
مودی سرکار کی ناقص حکمت عملی کی وجہ سے کورونا بھارت میں بے قابو ہو چکا ہے، مزید نوے ہزار چھ سو افراد میں وائرس کی تصدیق ہوئی۔ مریضوں کی مجموعی تعداد اکتالیس لاکھ 11 ہزار ہو گئی۔
اب تک 7 ہزار سے زائد اموات ہو چکی ہیں۔ مہلک وائرس سے برازیل میں مزید 646، امریکا 707اور میکسیکو میں475 اموات ہوئیں ،ایران میں مزید 110 افراد جان سے گئے
ادھر نیشنل کمانڈ اینڈ آپریشن سینٹر کی جانب سے جاری اعداوشمار کے مطابق ملک میں کورونا کے مزید 484 کیسز رپورٹ ہوئے ہیں اور مجموعی تعداد 2 لاکھ 98 ہزار سے زائد ہے۔ پاکستان میں اس وقت ایکٹو کیسز کی تعداد 6 ہزار 342 اور2 لاکھ 85 ہزار 898 صحتیاب ہوچکے ہیں۔
سندھ میں کورونا کیسز کی تعداد ایک لاکھ 30 ہزار 483 ہوگئی ہے۔ پنجاب 97 ہزار 166، خیبرپختونخوا 36 ہزار 591، بلوچستان 13 ہزار 229، اسلام آباد 15 ہزار 734، آزاد جموں و کشمیر 2 ہزار 327 اور گلگت میں 2 ہزار 79 کیسز رپورٹ ہوئے۔
کورونا وائرس کے باعث پنجاب میں 2 ہزار210 اور سندھ میں 2 ہزار422 اموات ہوئی ہیں۔ خیبر پختونخوا ایک ہزار255، اسلام آباد 175، بلوچستان 144، گلگت بلتستان71 اور آزاد کشمیر میں کورونا سے اموات کی تعداد 65 ہے۔
