بھارتی فوجی سربراہ کی گورنر مقبوضہ کشمیر سے ملاقات، تازہ ترین صورتحال پر گفتگو
![](https://baaghitv.com/wp-content/uploads/2019/08/satiapal-malik.jpg)
بھارتی فوجی سربراہ جنرل بپن راوت نے جمعرات کو مقبوضہ کشمیر کے گورنر ستیہ پال ملک سے ملاقات کی ہے،
باغی ٹی وی کی رپورٹ کے مطابق ملاقات کے دوران بھارتی فوج کے لیفٹیننٹ جنرل رنبیر سنگھ آرمی کمانڈر ناردرن کمانڈ اور لیفٹیننٹ جنرل کے جے ایس ڈھلوں جی او ایس 15 کارپس بھی موجود تھے، گورنر اور ہندوستانی فوج کے سربراہ کی ملاقات کے دوران جموں کشمیر کی تازہ ترین صورتحال پر تبادلہ خیال کیا گیا،
واضح رہے کہ کشمیر میں مضبوط ہوتی ہوئی تحریک آزادی کو دیکھ کر بھارتی حکومت اور فوج میں سخت بے چینی پائی جاتی ہے یہی وجہ ہے کہ حال ہی میں بھارتی حکومت نے کشمیر میں مزید 10 ہزار فوج بھیجنے کا اعلان کیا ہے،