بھارتی کرکٹر کیخلاف آسٹریلیا میں ریپ کیس ٹرائل شروع

سڈنی: آسٹریلیا میں بھارتی کرکٹر نکھل چوہدری کے خلاف ریپ کیس کا ٹرائل شروع ہو گیا ہے۔

باغی ٹی وی : تفصیلات کے مطابق بگ بیش ٹیم ہوبارٹ ہوریکینز کے بھارتی کرکٹر نکھل چوہدری کے خلاف ریپ کیس میں ٹرائل شروع ہوگیا، کر کٹر پر الزام ہے کہ مئی 2021 میں ٹاؤنزویل کے ایک نائٹ کلب میں ایک خاتون سے ملاقات کے بعد اپنی گاڑی میں ان کا ریپ کردیا،گزشتہ روز ٹرائل کا آغاز ہوا تو نکھل چوہدری نے ریپ کے الزام کو رد کردیا۔

27 سالہ نکھل چودھری کی طرف سے مبینہ طور پر جنسی زیادتی کا نشانہ بننے والی خاتون کے دوستوں نے ٹاؤنسویل ڈسٹرکٹ کورٹ کو بتایا کہ انہوں نے اسے روتے ہوئے دیکھا اور کہا کہ اس کے ساتھ زیادتی ہوئی ہے۔

صنم جاوید کو سینیٹ کا الیکشن لڑنے کی اجازت دینے کا تحریری فیصلہ جاری

متاثرہ خاتون کی والدہ اور دوستوں نے عدالت کو بتایا کہ مسٹر چودھری نے 20 سالہ شکایت کنندہ سے دی بینک نائٹ کلب کے ڈانس فلور پر ملاقات کی تھی، جہاں انہوں نے ڈانس کیا تھا ،منگل کو خاتون کے دوستوں نے عدالت کو بتایا کہ وہ اس وقت پریشان ہو گئے جب انہوں نے شکایت کنندہ اور مسٹر چودھری کو صبح 3 بجے کے قریب اپنی گاڑی میں جاتے دیکھا،دوست نے عدالت کو بتایا کہ مبینہ متاثرہ خاتون رو رہی تھی، اس نے کہا کہ اس نے اس کے ساتھ زیادتی کی ہے۔

خاتون کی والدہ نے بتایا کہ اس کی بیٹی نے 23 مئی کے اوائل میں اسے روتے ہوئے فون کیا تھا اور بتایا تھا کہ اس پر حملہ ہوا ہے، وہ پولیس کے ساتھ ہے، اور اسے ہسپتال جانا پڑا۔

ماسکو حملے میں 100 سے زائد لوگوں کی زندگی بچانے والا 15 سالہ …

واضح رہے کہ نکھل چوہدری بھارتی فرسٹ کلاس ایونٹ رنجی ٹرافی میں پنجاب کی جانب سے یوراج سنگھ اور شبمن گل جیسے کرکٹرز کے ساتھ کھیل چکے، ان کے کوچ ہربھجن سنگھ تھے، بعد میں وہ آسٹریلیا منتقل ہوگئے اور بطور پوسٹ مین کام کرنے کے ساتھ کرکٹ بھی کھیلتے رہے۔

سیکورٹی فورسز نے تربت میں پاک بحریہ کے ائیر بیس پر حملہ ناکام بنا …