پاکستانتازہ ترین

بھارت کے نجی نیوز چینل پر بریکنگ نیوز کے دوران پاکستان کا جھنڈا نمودار،نعتِ رسول ﷺ چل پڑی

3 سال قبل
3 سال قبل

بھارت کے ایک نجی نیوز چینل پر بریکنگ نیوز کے دوران پاکستان کا جھنڈا نمودار ہو گیا اور نعتِ رسول ﷺ چل پڑی ۔

باغی ٹی وی : سوشل میڈیا پرایک ویڈیو تیزی سے مقبول ہو رہی ہے جس میں دیکھا جا سکتا ہے کہ بھارتی نیوز چینل پر نیوز کاسٹر کی جانب سے بریکنگ نیوز دی جا رہی تھی کہ اچانک اسکرین پر پاکستان کا جھنڈا نظر آیا اور پھر ’نعتِ رسول ﷺ‘ چلنے لگی-
https://twitter.com/aqsa_26h/status/1535331140298489857?s=20&t=QsaA7ernVeH_E1bz0XMDHg

پاکستان کا جھنڈا آتے ہی نیچے بریکنگ نیوز پر لکھا آیا کہ ‘حضرت محمد مصطفیٰ ﷺ کی عزت کیجیےساتھ ہی نیچے درج تھا کہ اس چینل کو ٹیم ریوولوشن پی کے کی ٹیم کی جانب سے ہیک کیا گیا ہے۔


https://twitter.com/ZahaRajpoot/status/1535490397845200897?t=nUmBNcPDuYMTosvvelKSrA&s=19
پاکستان میں ٹوئٹر پر ’ٹیم ریوولوشن پی کے’ ٹاپ ٹرینڈ میں شامل رہا، سوشل میڈیا پر دعویٰ کیا جارہا ہے کہ بھارتی نیوز چینل کو پاکستانی ہیکرز نے ہیک کیا اور نعت رسول ﷺ بھی چلائی۔


https://twitter.com/Sanashahzad1111/status/1535497372909846529?t=Vn9IHzhSy4SgdgOv85jNDA&s=19
خیال رہے کہ کچھ روز قبل بھارت کی حکمران جماعت بی جے پی کی مرکزی ترجمان نوپور شرما نےایک ٹی وی چینل پر اسلام اور پیغمبرِ اسلام حضرت محمدﷺ کی شان اقدس میں گستاخانہ گفتگو کی تھی جس کےبعد بھارت سمیت دنیا بھر میں مسلمانوں کی جانب سےشدید ردعمل سامنے آیا جس کے بعد ملعونہ کو عہدے سے معطل کر دیا گیا تھا-

سعودی عرب، قطر، یو اے ای، ایران اور پاکستان سمیت مختلف ممالک نے بھارتی سفیروں کو طلب کر کے شدید احتجاج ریکارڈ کرایا جبکہ اسلامی تعاون کی تنظیم او آئی سی نے بھی بی جے پی رہنماؤں کے بیان کی شدید الفاظ میں مذمت کرتے ہوئے بھارتی حکومت سے مطالبہ کیا ہے کہ ایسے اشتعال انگیز بیانات کی روک تھام کے لیے فوری اقدامات کیے جائیں۔

جبکہ پاکستان میں احتجاجاً ریلیاں نکالی جا رہی ہیں مظاہرے کے شرکاء نے بھارتی وزیر اعظم نریندر مودی اور مسلم دشمن بی جے پی کے خلاف زبردست نعرے لگائے اور پاکستان سے بھارتی سفیر کو بے دخل کرنے کا مطالبہ کیا شرکاء نے بینرز اور پلے کارڈز اٹھائے ہوئے تھے جن پر بھارتی وزیر اعظم نریندر مودی اور ہندو شر پسند لیڈروں کے خلاف نعرے درج تھے۔جن میں نعرہ تکبیر اللہ اکبر، غلامی رسول ؐ میں موت بھی قبول ہے، حرمت رسولؐ پرجان بھی قربان ہے، حکمرانو! شرم کرو ڈوب مرو،بھارتی مصنوعات کا بائیکاٹ کرو،بھارت سے دوستی ختم کروشامل تھے۔

حافظ نعیم الرحمن نے کہاکہ نبی ؐ کی عزت و توقیر مسلمانوں کے لیے زندگی اور موت کامسئلہ ہے،گستاخِ رسول کے خلاف احتجاج ہمارے ایمان کا حصہ ہے،ہمارا مطالبہ ہے کہ بھارتی سفیر کو پاکستان سے بے دخل کیا جائے،بھارتی مصنوعات کا مکمل بائیکاٹ کیا جائے،بی جے پی رہنماؤں کے جانب سے نبی صلی اللہ علیہ وسلم کی شان میں گستاخی کی شدید مذمت کرتے ہیں۔

سید عبد الرشید نے کہاکہ دنیا بھر کے مسلمان حرمت رسول صلی اللہ علیہ وسلم پر جان دینے کے لیے تیار ہیں،ہندوستان کے اندر ہندو سرکار کی جانب سے ناپاک جسارت کی گئی،امت مسلمہ مودی سرکار کو یہ پیغام دینا چاہتی ہے کہ مسلمان جاگ رہے ہیں، نبیؐ کی شان میں گستاخی کسی صورت برداشت نہیں کی جائے گی،مودی سرکار نے اپنے ملک کی معیشت کو بچانے کے لیے شان رسالت میں گستاخی کی،ہم بتادینا چاہتے ہیں کہ گستاخ رسول کی صرف اور صرف ایک ہی سزا موت ہے-

جبکہ وزیر اعظم شہباز شریف نے اپنے حال ہی میں دیئے گئے بیان میں کہا ہے کہ بھارتی حکمران جماعت بی جے پی رہنماوں کی ہرزہ سرائی کی مذمت کرتے ہیں دنیا کے سوا ارب مسلمانوں کے دلوں کا خون کیاگیا ، لوگ احتجاج کررہے ہیں اس معاملے پرقومی اسمبلی میں بات ہونی چاہئیے ایوان اس واقعہ کے خلاف قرارداد منظورکرے آقا کریم ﷺسے عقیدت و محبت کے اہم اور نازک معاملے پر ایوان میں بحث کرائی جائےقرارداد کے ذریعے بھارت سمیت پوری دنیا کو بتانا چاہتے ہیں کہ آقا کریم ﷺ کی حرمت کے لئے ہم ہر قربانی دینے کو تیار ہیں-

ٹیگز:
Shares:

مزید خبریں