*سب انسپکٹرز کی محکمانہ پروموشن کیلئے سنٹرل پولیس آفس میں اجلاس* *اجلاس میں 123سب انسپکٹرز کو انسپکٹرز کے عہدوں پر محکمانہ ترقی کی منظوری دی گئی

*سب انسپکٹرز کی محکمانہ پروموشن کیلئے سنٹرل پولیس آفس میں اجلاس*

*اجلاس میں 123سب انسپکٹرز کو انسپکٹرز کے عہدوں پر محکمانہ ترقی کی منظوری دی گئی*

*لاہور کے 25 سب انسپکٹرز کی ترقی انسپکٹر بن گئے دیگر اضلاع کے سب انسپکٹرز کی بھی ترقیاں*

لاہوریکم اپریل-انسپکٹر جنرل پولیس پنجاب شعیب دستگیر کے احکامات کی روشنی میں سنٹرل پولیس آفس میں سب انسپکٹر سے انسپکٹر کے عہدوں پر ترقیوں کے لیے پروموشن بورڈ کا اجلاس منعقد ہوا۔جس کی صدارت ایڈیشنل آئی جی اسٹیبلشمنٹ پنجاب، بی اے ناصرنے کی جبکہ اس موقع پر ڈی آئی جی اسٹیبلمشنٹ I-، اشفاق احمد خان، ڈی آئی جی اسٹیبلمشنٹ II-، مقصود الحسن اور ڈی آئی جی ہیڈ کوارٹرز پنجاب، سید خرم علی موجود تھے۔ دوران اجلاس صوبے بھر میں خدمات سر انجام دینے والے 853سب انسپکٹرز کی ترقیوں کے کیسز زیر غور آئے جن میں سے سنیارٹی اور بہترین ریکارڈ کے حامل لاہور، گوجرانوالہ، فیصل آباد، راولپنڈی، ساہیوال، سرگودھا، شیخوپورہ، ڈی جی خان، ملتان اور بہاولپورسے تعلق رکھنے والے 123سب انسپکٹرز کو انسپکٹرز کے عہدوں پر ترقی دینے کی منظوری دی گئی۔ تفصیلات کے مطابق، ترقی پانے والوں میں لاہور کے 25، بہاولپور کے 11، ڈی جی خان کے 2، فیصل آباد 5، گوجرانوالہ 16، ملتان 19، راولپنڈی 13، ساہیوال 7، سرگودھا 14اور شیخوپورہ کے 11سب انسپکٹرز کو انسپکٹرز کے عہدوں پر ترقی دینے کی منظوری دے دی گئی۔