بھلوال ڈپٹی کمشنر کا بھلوال کا دورہ : ریسکیو 1122 کی عمارت ریسکیو کے حوالہ کرنے کی ہدایت

بھلوال ڈپٹی کمشنر کا بھلوال کا دورہ : ریسکیو 1122 کی عمارت ریسکیو کے حوالہ کرنے کی ہدایت ۔ پرانا بھلوال بائی پاس کی تعمیر کاجائزہ لیا ۔ تین کروڑ روپے کی لاگت ‘دو کروڑ خرچ ہوگئے بھکی تا دائیوال 17 کلو میٹر کارپٹ روڈ کا معائنہ ‘ 18 کروڑ روپے خرچ کئے جارہے ہیں ۔ عبداللہ نیئر شیخ کو بریفنگ ڈپٹی کمشنر عبداللہ نیئر شیخ نے اسسٹنٹ کمشنر بھلوال عثمان جلیس کے ہمراہ بھلوال ریسکیو 1122 کی عمارت پانچ فروری تک مکمل کر کے ریسکیو بھلوال کے سپرد کرنے کاحکم دیاہے تاکہ محکمہ بہتر خدمات کے معیار کو قائم کر سکے ۔انہوں نے آج بھلوال میں مصروف دن گزارااور ترقیاتی منصوبوں کا جائزہ لیا ۔انہوں نے محکمہ لوکل گورنمنٹ کے زیر انتظام پرانا بھلوال بائی پاس کی تعمیر کاجائزہ لیا ۔ جس پر مجموعی طو رپر تین کر وڑ 60 لاکھ روپے کی لاگت آئے گی ۔ اس سکیم پر اب تک دو کروڑ خرچ کئے جاچکے ہیں ۔ ڈپٹی کمشنر نے بھکی تا دائیوال 17کلو میٹر زیر تعمیر کارپٹ روڈ کا بھی جائزہ لیا ۔اس سڑک پر 18کروڑ روپے خرچ کئے جارہے ہیں جن میں سے اب تک پانچ کروڑ روپے جاری کئے جاچکے ہیں ۔انہوں نے ریسکیو 1122 بھلوال کی زیر تعمیر عمارت کابھی دورہ کیا انہوں نے عمارت میں استعمال کئے جانے والے میٹریل اور تعمیر کی کوالٹی او رپائیداری کا مشاہدہ کیا ۔