ممبئی: پاکستان کوکھیلوں کی دنیا میں پیچھےرکھنے کے لیے،ممبئی میں اب ’بگ فائیو‘ کی سازش تیار ہونے لگی،اطلاعات کے کےمطابق گذشتہ روز ممبئی کے ایک فائیو اسٹار ہوٹل میں خصوصی لنچ میٹنگ میں بھارت، انگلینڈ، آسٹریلیا، جنوبی افریقہ اور نیوزی لینڈ کرکٹ بورڈ کے آفیشلز شریک ہوئے۔
قسمت ہی بدل گئی :غریب ماہی گیروں کے جال میں 40 لاکھ مالیت کی 2 گولڈن سوُا مچھلیاں…
ذرائع کےمطابق پاکستان مخالف اس اجلاس میں ممبئی کی میٹنگ میں شریک ’بگ فائیو‘ ممالک کے نمائندوں نے آئی سی سی کو خط لکھنے کا فیصلہ کیا جس میں عالمی گورننگ باڈی کو خبردار کیا جائے گاکہ اگر ریونیو دینے والے ممالک کو اہم فیصلوں میں نظر انداز کیا گیا تو اس کے سنگین نتائج برآمد ہوں گے۔اس اجلاس میں بی سی سی آئی اور آئی سی سی کے سابق سربراہ این سری نواسن بھی موجود تھے جنھوں نے ماضی میں بگ تھری کے نام پر دنیائے کرکٹ کو تقسیم کیا تھا۔
دو ہفتوں کے دوران اسرائیلی فوج کے ہاتھوں فلسطینیوں کے 8 مکان مسمار
یاد رہے کہ بھارت آئی سی سی کی جانب سے اپنے اگلے فیوچر ٹور پروگرام میں ہر سال ایک عالمی ایونٹ شامل کرنے کی تجویز پر ناخوش اور ہم خیال بڑے ممالک کے ساتھ مل کر اپنا ہی سالانہ ٹورنامنٹ شروع کرنے کیلیے کوشاں ہے۔ان ممالک کا واحد مقصد اپنے ایونٹ سے حاصل ہونے والا ریونیو صرف آپس میں ہی تقسیم کرنا ہے۔
بھارت میں بغاوت:جس حکومت کو چنا وہی ہمیں کاٹ کھانے کو آرہی ہے، بھارتی طالبہ
اس خط پر بی سی سی آئی، انگلینڈ اینڈ ویلز کرکٹ بورڈ اور کرکٹ جنوبی افریقہ کی جانب سے دستخط کردیے گئے، البتہ کرکٹ آسٹریلیا اور کرکٹ نیوزی لینڈ کی جانب سے دستخط کا انتظار تھا۔ رپورٹ کے مطابق اس بات کی تصدیق نہیں ہوسکی تھی کہ یہ دونوں بورڈز اس پلان سے متفق ہیں یا نہیں۔
