اداکارہ دیا مرزا کا اپنے شوہر سے علیحدگی کا اعلان

ناموربالی ووڈاداکارہ دیا مرزا نے اپنی 5سالہ شادی ختم کرنے کا اعلان کرکے ساتھی فنکاروں سمیت اپنے مداحوں کو بھی چونکا دیا-

بالی ووڈ کی کامیاب فلموں کی اداکارہ اور پروڈیوسر دیا مرزا نے سوشل میڈیا پر اپنی شادی کے اختتام کا اعلان کر کے سب کو حیران کر دیا ہے-
دیا مرزا نے 5سال قبل اپنے دوست ساحل سانگھا سے شادی کی تھی-دونوں شادی سے پہلے گہرے دوست تھے اور6سال تک دوستی کے رشتے میں بندھے رہنے کے بعد شادی کا فیصلہ کیا-دیا مرزا نے سوشل میڈیا پراپنی شادی کے اختتام کا اعلان کرتے ہوئے لکھا ہے کہ 11سال ایک دوسرے کے ساتھ رہنے کے بعد ہم نے رضا مندی سےعلیحدگی کا فیصلہ کیا ہے.ان کا کہنا تھا کہ ہمارے درمیان دوستی کا رشتہ قائم رہے گا اور ایک دوسرے کی عزت کرتے رہیں گے-
دیا مرزا نے لکھا ہے کہ ان کی اور ان کے شوہر کی زندگی میں کئی اتار چڑھاؤ آئےلیکن وہ دونوں ہمیشہ ایک دوسرے کے ساتھ رہے-انہوں نے اپنے گھروالوں کا شکریہ ادا کیا کہ انہوں نے اسے سمجھا.اور ساتھ ہی انہوں نے میڈیا سے درخواست کرتے ہوئے کہا کہ وہ اس وقت ان کی پرائیویسی کا احترام کریں-