اسلام آباد: ملک بھر میں بجلی کا شارٹ فال 6 ہزار 709 میگاواٹ تک پہنچ گیا۔
باغی ٹی وی : ذرائع پاور ڈویژن کے مطابق ملک میں بجلی کی مجموعی پیداوار 21 ہزار 191 میگا واٹ ہے جبکہ ملک میں بجلی کی طلب 27 ہزار 900 میگاواٹ ہےپانی سے 4 ہزار 528 میگاواٹ بجلی پیدا کی جا رہی ہےاور سرکاری تھرمل پلانٹس ایک ہزار 515 میگاواٹ بجلی پیدا کر رہے ہیں –
لیگی عطا تارڑ نے پنجاب اسمبلی اجلاس میں غیر اخلاقی رویے پر معافی مانگ لی
ذرائع پاور ڈویژن کے مطابق نجی شعبے کے بجلی گھروں کی مجموعی پیداوار 12 ہزار 8 میگاواٹ ہے۔ ونڈ پاور پلانٹس سے ایک ہزار 609 میگاواٹ اور سولرپلانٹس سے پیداوار 121 میگاواٹ ہے بگاس سے چلنے والے پلانٹس 175 میگاواٹ بجلی پیدا کر رہے ہیں جبکہ جوہری ایندھن سے ایک ہزار 235 میگاواٹ بجلی پیدا کی جا رہی ہے۔
ملک کے مختلف علاقوں میں 16 گھنٹے تک کی لوڈشیڈنگ کی جا رہی ہے اسلام آباد ریجن میں بھی 6 گھنٹے تک کی لوڈ شیڈنگ کی جا رہی ہے جبکہ زیادہ نقصانات والے علاقوں میں لوڈشیڈنگ کا دورانیہ زیادہ ہے۔
حیدر آباد میں ٹرانسفارمر پھٹنے کا معاملہ،حیسکو پر 1 کروڑ روپے جرمانہ عائد
دوسری جانب واپڈا ذرائع کے مطابق تربیلا میں پانی کی آمد 87 ہزار600کیوسک اور اخراج 86 ہزار800 کیوسک ہے ،منگلا میں پانی کی آمد 21ہزار600 کیوسک اور اخراج 21 ہزار600 کیوسک ہے،چشمہ میں پانی کی آمد ایک لاکھ 14 ہزار100کیوسک اور اخراج1 لاکھ 5ہزارکیوسک ہے-
ترجمان واپڈا کے مطابق دریائے چناب میں پانی کی آمد 26 ہزار900 کیوسک اور اخراج 17 ہزار200 کیوسک ہے ،دریائے کابل میں پانی کی آمد 21 ہزار کیوسک اور اخراج 21 ہزار کیوسک ہے،منگلا میں آج پانی کا ذخیرہ 79 ہزارایکڑ فٹ ہے ،چشمہ میں آج پانی کا ذخیرہ 9 ہزار ایکٹرفٹ ہے،تربیلا ، منگلا اور چشمہ ریزوائر میں پانی کا مجموعی ذخیرہ88 ہزار ایکڑ فٹ ہے-