بجلی مزید مہنگی،نیپرا کا نوٹیفکیشن جاری

حکومت کی جانب سے بجلی مزید مہنگی کی گئی فی یونٹ 3روپے 5پیسے مہنگی کردی گئی۔نیپرا نے نوٹیفکیشن بھی جاری کردیا ۔نیپرا کے نوٹیفکیشن کے مطابق بجلی اکتوبر کی فیول پرائس ایڈجسٹمنٹ کی مد میں مہنگی کی گئی ۔بجلی کی قیمت میں اضافہ دسمبر کے بجلی بلوں میں وصول کیا جائے گا ۔لائف لائن صارفین اور کے الیکٹرک صارفین پراطلاق نہیں ہوگا ۔نیپرا نوٹی فکیشن میں کہا گیا ہے کہ اکتوبر میں نو ارب پچیس کروڑ یونٹ بجلی پیدا کی گئی، جو ریفرنس سے کم ہے۔ اکتوبر کے فیول کاسٹ ایڈجسمنٹ میں 3 روپے سے ذائد فی یونٹ پیسے بقایا جات کی مد میں شامل کیے گئے ہیں۔