موٹر سائیکل کے حادثات میں ایک نوجوان جاں بحق اور دو شدید زخمی

مانسہرہ۔ (اے پی پی) مانسہرہ میں موٹر سائیکل کے حادثات میں ایک نوجوان جاں بحق اور دو شدید زخمی ہو گئے۔ اس سلسلہ میں دو مختلف حادثات میں پہلا حادثہ کوٹکے کے قریب پیش آیا جس میں دو موٹر سائیکل سوار نوجوان عظیم اور جاوید گاڑی کی ٹکر سے حادثہ کا شکار ہو کر شدید زخمی ہو گئے جبکہ گذشتہ روز اسرار طارق نامی موٹر سائیکل سوار نوجوان ویگن کی ٹکر سے جاں بحق ہو گیا جس کی نماز جنازہ بکریال میں ادا کی گئی جس میں عزیز و اقارب سمیت اہلیان علاقہ کی بہت بڑی تعداد نے شرکت کی۔ بعد ازاں مرحوم کو آبائی قبرستان میں سپرد خاک کر دیا گیا۔ واضح رہے کہ ٹریفک پولیس کو بھی موٹر سائیکل سواروں کیلئے ٹریفک سے متعلق کوئی پالیسی وضع کرنا ہو گی کیونکہ آئے روز حادثات میں نوجوان جاں بحق ہو رہے ہیں۔