بلال اشرف اور سائرہ یوسف کی شادی کے لئے وظیفہ شروع کرنے کا فیصلہ

پاکستان شوبزانڈسٹری کے اداکار بلال اشرف اور ماڈل و اداکارہ سائرہ یوسف کے مداحوں کی جانب سے دونوں فنکاروں سے شادی کرنے کا مطالبہ کیا جا رہا ہے۔

باغی ٹی وی : اداکار بلال اشرف اور سائرہ یوسف نے حال ہی میں ایک اشتہار شوٹ کروایا ہے جس کے بعد سے ان دونوں کی ایک دوسرے کے ہمراہ متعدد خوبصورت تصاویر وائرل ہو رہی ہیں۔

سائرہ اور بلال کی تصویروں پر دونوں کے مداح اِنہیں ایک ساتھ دیکھ کر پر جوش اور خوش نظر آ رہے ہیں اور ن سے شادی کا مطالبہ کر رہے ہیں-

سائرہ یوسف کی جانب سے اپنے انسٹا گرام اکاؤنٹ پر بلال اشرف کے ساتھ ایک تصویر شیئر کی گئی ہے جس کے کیپشن میں انہوں نے سفید اور سیاہ رنگ کے دل والا ایموجی بھی بنایا ہے۔

سائرہ یوسف کی اس تصویر پر دیکھتے ہی دیکھتے ہی مداحوں کی جانب سے مطالبہ کیا جا رہا ہے کہ وہ بلال اشرف سے شادی کر لیں۔

اداکارہ کی اس پوسٹ پر ایک مداح کی جانب سے شادی کا مطالبہ کرتے ہوئے لکھا گیا ہے ’کیا ہم سب مل کر وظیفہ نہ شروع کر دیں کہ ان دونوں کو ایک دوسرے سے بے حد پیار ہو جائے اور یہ آپس میں جتنی جلدی ہو سکے شادی کر لیں، میرا پسندیدہ ہیرو اور ہیروئین، دونوں ساتھ میں بہت خوبصورت لگتے ہیں۔

اس کمنٹ کے نتیجے میں متعدد صارفین کی جانب سے بھی یہی مطالبہ کیا جا رہا ہے جن میں اُن سب کا بھی یہی کہنا ہے کہ وہ ان دونوں کی شادی کے لیے وظیفہ کرنے اور انہیں ایک ساتھ دیکھنے میں دلچسپی رکھتے ہیں۔

دوسری جانب بلال اشرف کی جانب سے اپنے انسٹا گرام اکاؤنٹ پر سائرہ کے ساتھ ایک تصویر اور ویڈو شیئر کی گئی ہے جس میں مداحوں کی جانب سے ان دونوں سے شادی کا مطالبہ کرتے ہوئے کہنا ہے کہ یہ جوڑا اُن کا پسندیدہ جوڑا ہے ۔