معروف گلوکاراور موسیقار بلال مقصود نے پاکستانی بچوں کے لیے قومی زبان اردو میں مختلف موضوعات پر اینیمیٹڈ نرسری نظموں کی ویڈیوز جاری کردیں۔
باغی ٹی وی : بلال مقصود نے سماجی رابطے کی ویب سائٹ انسٹاگرام پر ویڈیو میں ’نرسری رائمز‘ سے متعلق بات کرتے ہوئے بتایا کہ انہوں نے بسکٹ کمپنی کے تعاون سے بچوں کے لیے اردو اور آسان زبان میں نظمیں تیار کی ہیں۔
https://youtu.be/o5ioxlGXbUc
بلال مقصود کے مطابق نظموں کی ویڈیوز میں جہاں آسان زبان کا استعمال کیا گیا ہے، وہیں اینیمیٹڈ ویڈیوز کے ذریعے بچوں کو گنتی سمیت دیگر چیزیں سکھائی اور سمجھائی گئی ہیں مذکورہ اینیمیٹڈ ویڈیو نظمیں بنانے کا مقصد بچوں کو اردو زبان میں معیاری مواد فراہم کرنا تھا، جسے بچے آن لائن دیکھ کر کچھ سیکھ سکیں۔
https://youtu.be/iGF8h1dvzn4
بلال مقصود نے تمام نرسری نظموں کی ویڈیوز کو اپنے یوٹیوب چینل پر ریلیز کیا جب کہ انہوں نے فیس بک اور انسٹاگرام پر بھی ویڈیوز کو شیئر کیا ان کی ویڈیوز کو گلوکو بسکٹ کے انسٹاگرام پر بھی شیئر کیا گیا، جنہیں لوگوں نے کافی سراہا۔
https://youtu.be/Gi79pVJXsmo
بلال مقصود کی جانب سے جاری کی گئی سات اینیمیٹڈ ویڈیوز میں بچوں کو سکھانے کے لیے مختلف کہانیاں پیش کی گئی ہیں ویڈیوز میں جہاں اینیمیٹڈ جانور دکھائی دیتے ہیں، وہیں پس پردہ بلال مقصود کی آواز میں شاعری سنائی دیتی ہے ویڈیوز کی موسیقی بھی بچوں کی مناسبت سے پرامید اور جوشیلی رکھی گئی ہے اور لوگوں نے ان کی کاوش کو سراہا۔
https://youtu.be/LLPre-OcL34
