بلاول بھٹو اور آصف علی زرداری کے بیچ کوئی اختلاف نہیں ،شازیہ مر ی

بلاول بھٹو زرداری ذاتی مصروفیات کی وجہ سے دبئی گئے، وہ وہاں جاتے رہتے ہیں۔ پی پی پی رہنما شازیہ مری نے کہا ہے کہ بلاول اور آصف علی زرداری کے اختلافات کی خبریں من گھڑت ہے انہوں نے کہا کہ اس بار بلاول بھٹو کی دبئی روانگی کی خاص وجہ نہیں ہے، وہ اپنا دورہ خیبر پختونخوا مکمل کرکے بیرون ملک گئے ہیں۔
شازیہ مری نے مزید کہا کہ بلاول بھٹو وطن واپس آکر 30 نومبر کو کوئٹہ میں پارٹی کے یوم تاسیس سے خطاب کریں گے۔ آصف زرداری کے انٹرویو کا ذکر کرتے ہوئے شازیہ مری نے کہا کہ 4 پیز والی پیپلز پارٹی آمریت کے جبر میں بنانا پڑی تھی۔
ان کا کہنا تھا کہ آمروں نے بینظیر بھٹو شہید کو انتخابی سیاست سے باہر رکھنے کی کوشش کی تھی، تب 4 پیز والی پارٹی بنی۔