بلاول بھٹو نے بجلی کے ٹرانسفارمر پھٹنے کے معاملے کا نوٹس لے لیا
باغی ٹی وی: پی پی پی چیئرمین بلاول بھٹو زرداری نے حیدرآباد میں بجلی کے ٹرانسفارمر پھٹنے کے معاملے کا نوٹس لے لیا ،پی پی پی چیئرمین نے ٹرانسفارمر پھٹنے کے نتیجے میں قیمتی جانوں کے ضیاع پر گہرے دکھ و افسوس کا اظہار کیا ہے
بلاول بھٹو زرداری نے حکم دیا ہے کہ معاملے کی فوری انکوائری کرائی جائے،اگر یہ المناک واقعہ ایک مجرمانہ غفلت ہے تو ذمیداران کو قانون کی گرفت میں لایا جائے،
ان کا کہنا تھا کہ افسوس ہے، جب سے سلیکٹڈ حکومت آئی ہے، اس کے ماتحت اداروں کی کارکردگی روزانہ کی بنیاد پر خراب سے بدترین ہو رہی ہے
بلاول بھٹو زرداری کا کہنا تھا کہ زخمیوں کے بھتر علاج معالجے کو یقینی بنایا جائے:بلاول بھٹو زرداری نے جانبحق افراد کے لواحقین سے ہمدردی اور زخمیوں کی جلد صحتیابی کی دعا کی ہے
