بے لگام سیاسی رہنماء کی سیاست اورصحافت پرعجیب منطق

پشاور:بے لگام سیاسی رہنما کی سیاست اورصحافت پرعجیب منطق،اطلاعات کے مطابق چیئرمین پیپلز پارٹی بلاول بھٹو زرداری کا کہنا ہے کہ پاکستان میں سیاست آزاد ہے اور نہ ہی صحافت آزاد ہے۔

پشاور میں ورکرز کنونش سے خطاب کرتے ہوئے بلاول بھٹو زرداری کا کہنا تھا کہ یہ کیسی جمہوریت ہےکہ آپ کواحتجاج کاحق بھی نہیں،یہ وہ جمہوریت نہیں جس کے لیے پیپلز پارٹی کے کارکنوں نے کوڑےکھائے ،انہوں نے مزید کہا کہ پیپلزپارٹی ہمیشہ غریب عوام کےحقوق کی خیال رکھتی ہے۔ شہید ذوالفقار علی بھٹو اور شہید بےنظیر بھٹو نے عوام راج کے لیے قربانی دی۔

چیئرمین پیپلز پارٹی نے مزید کہا کہ راولپنڈی میں بے نظیر بھٹو کی برسی منائیں گے۔27 دسمبر کو دنیا کو یاد دلوائیں گے کہ طاقت کا سر چشمہ عوام ہے۔انہوں نے کہا کہ 1988 سے لے کر 2018 تک دھاندلی ہوتی رہی ہے ۔ ملک بھر کے پولنگ اسٹیشنز سے ایجنٹس کو باہر نکالا گیا ۔وزیر اعظم عمران خان پر تنقید کرتے ہوئے چیئر مین پیپلز پارٹی کا کہنا تھا کہ اسمبلی میں ہم نےہی کہا تھا کہ تم الیکٹڈ نہیں بلکہ سلیکٹڈ ہو،تمہارا آسانی سے مقابلہ کریں گے۔

یاد رہے کہ بلاول شاید یہ کہنا بھول گئے ہیں کہ سندھ میں 75 فیصد غریب طبقے پرسندھ کے سیاسی وڈیروں کی حاکمیت ہے اور یہ لوگ غلامانہ زندگی گزاررہےہیں، وہ شاید یہ کہنا بھی بھول گئے ہیں کہ میڈیا زبان ہی ان کی بول رہا ہے اورحکومت کے خلاف حقائق مسخ کرکے پیش کررہا ہے