بلاول نے شادی کے لیے ہاں کردی ،پوتے پوتیوں کو کھلانے کی عمر ہے ،سیاست چھوڑ رہا ہوں ،زرداری

اسلام آباد:بالآخربلاول بھٹو نے شادی کے لیے ہاں کردی ہی دی ہے. شادی کب اور کس کے ساتھ ہو گی اس کے بارے میں آنے والے دنوں میں کچھ کہا جا سکے گا تاہم بلاول کی شادی کے لیے رضامندی کی خبریں اس وقت سامنے آئیں جب سابق صدر آصف علی زرداری کی پارلیمنٹ میں مختلف وفود سے ملاقاتیں ہوئیں، اس دوران نے ہلکی پھلکی گفتگو بھی کی۔

آصف علی زرداری کا کہنا تھا کہ پاکستان پیپلز پارٹی کے چیئر مین بلاول بھٹو زرداری اپنے پاؤں پر کھڑا ہو گئے ہیں، اب مجھے کوئی پرواہ نہیں۔ بلاول نے سیاسی محاذ مکمل طور پر سنبھال لیا ہے۔انہوں نے سیاست سے ریٹائر منٹ کا عندیہ دیتے ہوئے کہا کہ میں اب آرام کرنا اور اپنی زمینیں سنبھالنا چاہتا ہوں۔ بلاول شادی کیلئے بھی مان گئے ہیں، ان کیلئے لڑکی بھی ڈھونڈنی ہے، اب یہ عمر پوتے پوتیوں کے ساتھ کھیلنے کی ہے۔

سابق صدر آصف علی زرداری کا مزید کہنا تھا کہ چیئر مین پاکستان پیپلز پارٹی بلاول بھٹو زرداری کے پاس اب اپنے لئے وقت نہیں، اس لئے لڑکی ڈھونڈنے کا کام ہمیں کرنا پڑے گا۔یادرہے کہ یہ بھی خبریں آرہی ہیں کہ زرداری ڈیل کرچکے ہیں اب سیاست کو خیر باد کہنا ہی ہوگا