بل گیٹس کا وزیراعظم عمران خان کے نام خط ، ملاقات کرنا چاہتا ہوں ، پولیو کے خلاف پاکستان کی کوششوں کو سلام

اسلام آباد : لیڈر ہو تو ایسا ہو جس کی خوبیوں کی وجہ سے دنیا کی بڑی بڑی شخصیات ملاقات کی خواہش کا اظہار کریں ، دنیا کے امیر ترین افراد کی فہرست میں شامل بل گیٹس نے وزیراعظم عمران خان سے ملاقات کی خواہش کا اظہار کر دیا ہے۔

اسلام آباد سے ذرائع کے مطابق انسداد پولیو مہم کیلیے کوششوں پر مائیکروسافٹ کے بانی بل گیٹس نے وزیراعظم عمران خان کے نام خط لکھ دیا ہے۔ خط میں بل گیٹس نے پولیو کے خاتمے میں کی جانے والی کوششوں پر حکومت پاکستان کو خراج تحسین پیش کرتےہوئے کہاکہ ہےکہ پولیو کو ختم کرنے کے لیے والدین کے ذہنوں سے شکوک و شبہات نکالنا انتہائی ضروری ہیں۔

بل گیٹس نے وزیراعظم عمران خان کے نام خط میں پاکستان میں پولیو کے حوالے سے تعاون کرنے کی خواہش کا بھی اظہارکیا ، بل گیٹس نے زور دیا ہےکہ حفاظتی ٹیکہ جات پروگرام پر حکومت کی خصوصی توجہ درکارہے۔