بیوی کے ساتھ گھر کے سارے کام کرتاہوں محمود اسلم

سینئر اداکار محمود اسلم نے اپنے ایک انٹرویو میں کہا ہے کہ میں گھر میں سارے کام کرتا ہوں ،اپنی بیوی کے ساتھ گھریلو کام میں ان کا ہاتھ بٹاتا ہوں. میں نے کبھی اس چیز میں عار محسوس نہیں کی ، بھئ یہ کہاں کا انصاف ہے کہ عورت ہی سارے گھر کے کام کاج دیکھے، بھئی اسکو بھی حق ہے کہ وہ ریسٹ کرے یا اسکا کوئی ہاتھ بٹائے. میری اہلیہ گھر کے کام کاج کرتی ہے تو میں اس کے برابر کھڑا ہوتا ہوں ، میں کھانا بھی بنا لیتا ہوں ، کپڑے بھی دھو لیتا ہوں ، میرے والد نے ہمیشہ مجھے کہا کہ بیوی کو کبھی کمتر نہ سمجھو ، گھر کی زمہ داری بیوی کے ساتھ ساتھ مرد پر بھی ہوتی ہے ، لہذا ہمیشہ بیوی کا ہاتھ بٹانا. محمود اسلم نے کہا کہ میرے والد کی نصیحت کو میں نے آج تک پلے باندھا ہوا ہے اور میں سمجھتا ہوں

کہ ہر کسی کو چاہیے کہ وہ گھریلو کاموں میں اپنی بیویوں کا ہاتھ بٹائیں اس سے پیار محبت میں نہ صرف اضافہ ہوتا ہے بلکہ زندگی بھی بہت پرسکون اور خوش خرم گزرتی ہے. محمود اسلم نے کہا کہ خوشگوار ازدواجی زندگی کا راز ہی یہی ہے کہ میاں بیوی ایک دوسرے کے قدم کے ساتھ قدم ملا کر چلیں .