Ayesha Rehmani
نئی دہلی: دہلی کے وزیراعلیٰ اروند کیجریوال نے کہا ہے کہ بی جے پی پاکستانیوں کو ہمارے حقوق، مکانات، نوکریاں دینا چاہتی ہے، مرکزی حکومت کا پیسہ پاکستانیوں کو یہاں بسانے پر خرچ کیا جائےگا-
باغی ٹی وی : بھارتی میڈیا کے مطابق ایک پریس کانفرنس میں اروند کیجریوال نے شہریت ترمیمی قانون کے نفاذ کی مخالفت کرتے ہوئے کہا کہ مرکزی حکومت کا پیسہ پاکستانیوں کو یہاں بسانے پر خرچ کیا جائےگا، پاکستان، بنگلا دیش اور افغانستان میں تقریباً ڈھائی سے 3 کروڑ اقلیتیں رہتی ہیں، بھارت اپنے دروازے کھول دے گا تو ان ممالک سے لوگ بڑے پیمانے پربھارت آئیں گے، قانون واپس نہ لیا گیا تو عوام آئندہ لوک سبھا انتخابات میں بی جے پی کے خلاف ووٹ دیں۔
دبئی ایئرپورٹ پر سامان سے جادو ٹونے کی اشیاء ملنے پر مسافر گرفتار
اروند کیجریوال نے کہا کہ بی جے پی کا یہ قانون لانے کا مقصد کم ووٹ بینک والی ریاستوں میں اپنا ووٹ بینک کو مضبوط کرنا ہے، یہ تو صرف شروعات ہے، ایسا چلتا رہےگا اور بڑی تعداد میں لوگ بھارت میں داخل ہوں گے، یہ قانون بڑے پیمانے پر شمال مشرقی ریاستوں خاص طور پر آسام کو متاثر کرے گا۔
