ملک کے نامور اینکر پرسنز کو سن کر بندے کو کیا کیا یقین ہو جائے ، دلچسپ ویڈیو سوشل میڈیا پر وائرل

ملک کے نامور اینکرز پرسنز کو سن کر بندے کو کیا کیا یقین ہو جائے ، دلچسپ ویڈیو سوشل میڈیا پر وائرل

باغی ٹی وی رپورٹ‌کے مطابق ، سوشل میڈیا میں‌ پاکستانی کسی کی بھی کامیڈی کرنے اور اس کو مزاق کا نشانہ بنانے میں‌ ماہر ہیں. حکمران کیا سیاستدان کیا ، شوبز کے ستارے کیا ہر کسی کے متعلق عجیب و غریب اور کبھی کبھی دلچسپ باتیں کر جاتے ہیں . سوشل میڈیا پر ایسی ہی ایک ویڈیو وائرل ہے جس میں‌ پاکستان کے اینکر پرسن کی خوب کامیڈی بنائی گئے ہے اور ان کے مخصوص فیلڈز روپورٹنگ کو لے کے کر مذاہیہ مواد پیش کیا گیا ہے .
ایک خاتون نے پاکستان کے معروف اینکر پرسن کے متعلق دلچسپ ویڈیو بناتے ہوئے کہا ہے کہ بندہ اگر ایک گھنٹہ مسلسل شاہد مسعود کو سن لے جو کہ ناممکن ہے تو اس کو پختہ یقین ہو جائے گا کہ اگلے چار گھنٹے میں‌ قیامت آ جائے گی ، اسی طرح ان کا کہنا تھا بندہ اگر ارشاد بھٹی کو آدھا گھنٹہ جھیلنے کی کوشش کر ہی لے تو اس کو یقین آ جائے گا گھر کے سودے کی چار پانچ پرچیاں ارشاد بھٹی کی جیب میں‌ رہتی ہیں. جس کو وہ سبق کی طرح ٹی وی سناتے رہتے ہیں. حسن نثار کے بارے کہنا تھا کہ اگر بندہ حسن نثار کو پندرہ منٹ سن لے تو ایسا لگے گا کہ وہ ٹی وی سکرین سے باہر نکل کر اس کے گریبان سے پکڑ کر اس سے ادھار مانگ لے گا.

مشہور اینکر پرسن بارے دلچسپ ویڈیو#BaaghiTv #Pakistan #Media pic.twitter.com/JzIDSacbTc

— Baaghi TV باغی ٹی وی (@BaaghiTV) December 30, 2020

سینئر اینکر پرسن مبشر لقمان کے بارے میں‌ خاتون نے کہا کہ بندہ اگر مبشر لقمان کے انکشافات کچھ دیر کے لیے سن لے تو اسے یقین ہو جائےگا کہ ناگا ساکی اور ہیرو شیما پر ایٹمی حملہ ن لیگ نے ہی کروایا تھا . اس کا مزید کہنا تھا کہ بندہ اگر حامد میر کو پندرہ منٹ تک سن لے اس کو یقین ہو جائے گا ملک کی خفیہ ایجنسیاں حامد میر کو عنقریب نامعلوم مقام پر منتقل کردیں گی. ارشد شریف بارے کہا کہ بندہ اگر پندرہ منٹ ارشد شریف کو سن لے تو اس کو یقین ہو جائے گا کہ اٹھارویں ترمیم کو ختم کرنا انتہائی ضروی ہے ورنہ اسلام کو شدید خطرہ ہے.
اوریا مقبول جان کے بارے میں‌اس کا کہنا تھا کہ بندہ اوریا مقبول کو چند ہی منٹ سن لے گو اس کویقین ہوجائے گا کہ پاکستان کی سب خاتون ملک میں‌ فحاشی کی ذمہ دار ہیں‌اور ان کوڑے لگنے چاہیں. جاوید چوہدری بارے اس کا کہنا تھا کہ بندہ اگر جاوید چوہدری کو چند ہی منٹ‌سن لے اور مجھ سے مزید سنا نہیں‌جاتا تو اس کو یقین ہو جائے گا کہ گوتم بدھ ، خلیل جبران اور رازی جاوید چوہدری کے کلاس فیلو تھے اور وہ ان سب کے مانیٹر تھے .