بونی کپور نے اپنی سالگرہ منائی بیٹے ارجن بیٹی انشولا اور شبانہ اعظمی کے ساتھ

مشہور فلم پروڈیوسر بونی کپور67 سال کے ہو گئے ہیں۔ اپنے شاندار کیریئر کے دوران انہوں نے ہندوستانی فلم انڈسٹری میں متعدد فلمیں پروڈیوس کی ہیں. جن میں تازہ ترین فلم ملی ہے جس میں ان کی بیٹی جھانوی کپور نے مرکزی کردار ادا کیا ہے۔بونی کپور نے رات 12 بجے اپنے قریبی دوست اور رشتہ داروں کے ساتھ کیک کاٹا . بونی کپور نے اپنی سالگرہ کا کیک کاٹتے ہوئے کی تصاویر سوشل میڈیا پر شئیر کیں جن میں وہ اپنے بیٹے ارجن کپور کو کیک کھلا رہے ہیں جبکہ شبانہ اعظمی اور بونی کی بیٹی انشولا بھی ساتھ کھڑی ہیں .انہوں نے اس تصویر کا کیپشن کچھ یوں لکھا "میری سالگرہ اپنے خاندان اور اپنے اچھے دوستوں کے ساتھ منانا بہت اچھا تھاسب کے لیے پیار. یاد رہے کہ بونی کپور کی پروڈیوس کردہ سب سے مشہور

فلموں میں سے ایک شیکھر کپور کی ہدایت کردہ فلم مسٹر انڈیا ہے جس میں ان کے بھائی انیل کپور اور ان کی بیوی سری دیوی نے کام کیاتھا۔ یہ فلم سال 1987 میں باکس آفس پر زبردست ہٹ ہوئی تھی۔اس فلم کے گانے اور مکالمے بہت ہٹ ہوئے . خاص کر سری دیوی پر فلمایا گیا گیت "میں ہوں ہوا ہوائی” بہت مقبول ہوا اسی طرح سے امریش پوری کا ڈائیلاگ "موگیمبو خوش ہوا” زبان زد عام ہوا . بونی کپور نے سری دیوی کے ساتھ دوسری شادی کی ان سے ان کی دو بیٹیاں ہیں.